لمحبات الشوكولاته هذي طريقة لقيمات روعه ومضبوطة خطرت ببالي أسويها بعد ما سألت أختي katkootawebas عن اللقيمات بالشوكولاته قلت بجربها وصراااحة طلعت روعه ما شاء الله بس اللي تسويها ولا تضبط المشكلة مو فيني
وأنا أتوقع أي عجينة لقيمات تضبط معاك سويها واضيفي لها كاكاو بودرة وتطلع نفس النتيجة إن شاء الله
المهم هذي الصورة
وش رأيكم
المقادير
1 كاس دقيق الكويت
بيضه واحده
ملعقة صغيرة خميرة
ملعقة كبيرة حليب بودرة
ملعقة كبيرة زيت
ذرة ملح
ذرة سكر
ملعقة كبيرة شوكولاته مرة أو أكثر لين تأخذ اللون اللي تبينه
حبة سوداء حسب الرغبة
وماء دافئ للعجن
الطريقة
حطي كل المقادير بالعجانه واخلطيهن زين بحيث ان ألعجينه ما تكون سايلة مره يعني قريبة من عجينة الكيك ثم نتركها بالعجانة لمدة ثلث ساعة وبعدين نجي مرة ثانية ونعجنها وأخيرا نضعها في علبة بلاستيك ونغطيها بفوطه ونخليها في مكان دافئ لمدة نصف ساعة او اقل بشوي
وهذا شكلها بعد ماخمرت
ثم بسم الله نبدأ نضعها في الزيت وكل وحده وطريقتها
وهذا شكلها في الزيت بس لاتخافون من هالزوائد اللي ماادري وش موقعها من الاعراب
وإذا خلصنا نسوي الصوص على حسب الذوق أنا حطيت حليب نستلة مع شوكولاته بودرة وخلطته وهذا شكله
ونضع اللقيمات في إناء التقديم ونصب علية ألصوص والشوكولاته السائلة
ويقدم
وخليت وحده مقطوعة عشان تشوفون شكلها من الداخل
وهذا من قريب
أتمنى إني أفدتكم ولا تنسوني ووالدي من الدعاء
تسلم لنا افكارك يالغالية