افكار رائعه كعادتك وننتظر جديدك يالغاليه

عدناااااا...

صباااحكم رينيه.. ^_^

رنونه انتي احلى هديه أرسلها لنا ربنا في المنتدى ..ماشاء الله..

هداايااكي بتجنن ...يامجننتنا..ههههههه

مره شفت عند باباتي صوره لعمي وهو صغير..قمت اخذت الصوره ورحت لمحل البراويز وبروزتها له باللون الذهبي وغلفتها وأرسلتها لعمي..انبسط عليها كثيير وياني البيت مخصوص يسلم علي.. الله يرحمه ويسكنه فسييح جناته..

ولما كنت صغيره كنت دايما اشتري كاردز وارسلهم لعماتي واختي الكبيره لما كانو يسافرون وأكتب عالكاارد كلااام طفوولي..والحين لما يقرولي رسايلي أضححك..عن جد براءه كنت.. أياااام..
(ليت الطفوله تعود يوما لأخبرها مافعل الشباب) هههه بس لما اكبر شويتين ثلاث اربع خمس ست سبع بقووول ليت الشباب يعود يوما لوول.. الحمد لله..

ومن كم سنه طلعت من صندوق الذكريات مالي صوره كانت تجمعني مع اخوي اللي اكبر مني على طول..وكتبت له من وراها كلام ما اذكره الحين... وحطيتها له عالتسريحه.. وبعد كم يوم دخلت غرفته وشفت خلف الصوره كاتب لي كلام بعد.. فرجعت اكتب له.. ورجع يكتب لي.. الين ما امتلت خلفية الصوره بكلااام يضححك..

باباتي يعشق النباتات والزراعه..دااايما لما اروح مكان اييب له بذور او شجره صغيره.. أو معدات للزراعه..ومراات اغير ميداليه أوكتاب..المهم اني دااايما اهديه..

اولاد اخوي مراات اخذهم عالسوق نتعشى في مطعم أو نلعب في مدينة الالعاب أو نشتري لعبه
ومراات اخليهم يناموون عندي ..يفرحووون..

جارة عمتي فقيره شوي..مرات اخذ لأولادها ألعاب بسييطه أو تشوكليت..يفرحوون .. ووايد يحبوني

شغالاتنا وشغالات بيت عمتي دايما لما ارجع من السفر اخذ لهم هدايا رمزيه.. شنط او اي شي.. يفرحوون ..هههه.. حليلهم ..ما اتخيل عمري في غربه واشتغل عند نااس عشن جذه يغمظووني واايد

ميرسي رنونه موااضيعك كلها احبها..واعتبرها هدايا منك الي..ياقلبو..صرت اقلدك حتى فالكلام

وحقلدك بأني دايما ححط في شنطتي حلويات للأطفال ^_^

جزاك الله خير ويعطيك الف عافيه

مرحبا حبيبت قلبي توليب كيفك ؟؟

والله إنك مبدعة الله يحفظك لأهلك يارب ,,

وفي تقدم إن شاء الله ننتظر جديدك ,,

موضوعك رائع كالعادة
انا احب الهدايا البسيطة اللي تعبر عن المودة والمحبة في الله دون تكليف وعنطز على الفاضي
لانه احيانا يهديك شخص هدية وغرضه يتفشخر ويرسل لك رسالة .. معناها انك كاتقدري تردي ثمنها مع انه الرسالة مو مكتوبة بس تلاحظيها من طريقة التقديم ونفسية المقدم
الا لو انسان عزيز جدا كالزوج او الاخ والاخت والام والابناء مو خسارة فيهم نهديهم عمرنا
المهم ..
انااحب لما اقدم شي للجارات او الاهل من طبخات او حلويات يكون كانه هدية
مثلا .. عملنا معمول في العيد وحبينا ندوق حبايبنا رصيناه في علبه بلاستيك شفاف وربطنا عليه شرايط حمرة

واذا حبيتي تهدي جارتك من مشترواتك في السوبر ماركت ( حلو لما تشاركي جارتك في اغرضك وتفتكريها حتى لو شي بسيط )
مثلا اشتريتي كرتونة برتقال وتفاح وموز خدي كم حبة
رتبيها في سلة خسف واضيفي شوية اوراق نعناع طازة بين الفواكه وقدميها
ونفس الشي للخضروات لا تستهيني بقيمتها مثلا ليمون ولا خيار ولا خس ولا كم حبة كوسة وجزر صدقيني الهدية مو بغلاتها وكلفتها بالعكس بمعناها وشكلها وطريقة تقديمها وكفاية انك افتكرت هذا الشخص

ومرة كنت حابة ارسل للجارات نشرة توعوية ( مطويات ) ومو حلوة ارسلها مع اولاد او احطها على الباب كانها فاتورة كهربا خخخخخخخ

اشتريت اكياس الورق بريالين
ولفيت المطويات كانها رسالة وربطها بشريطة
ودخلتها اكياس الورق واشتريت ورود طبيعية وحطيت في كل كيس وردة وعلقتها على اكرة ابوابهم
طبعا ماذكرت اسمي ولا شي عشان كنت باحتسب الاجر
ومرة جارتي سالتني شفتي الكيس والوردة اللي معلق على ابوابنا امس
طبعا قلت لها ايوة وعجبتني وعملت نفسي مو انا اللي حطيتها

ومرة استلفت من صحبتي ايام الثانوي كتاب جلس عندي فترة طويلة
واتزوجنا وصحبتي راحت امريكا 5 سنوات ورجعت طبعا ناسية الموضوع
ويوم زرتها جبت كرتونة ( كرتونة الجزم ) الله يكرمكم وغلفتها وحطيت قش وحطيت كتابها
واهديتها هوه طبعا فرحت فيه لانه كتابها رجع ولانه الشكل عجبها
واظن لو اشتريت هدية غاالية ماكانت فرحت زي فرحتها بكتابها

ومرة صحبتي برضه ايام الثانوي كانت حتسافر فترة طويلة وقبل ماتسافر اعطتني دفتر ( اوتوجراف )قالت لي اكتبي فيه اللي يخطر ببالك عشان اقرأه طول فترة السفر واتذكرك وطبعا وعدتني ماتفتحه الا وهي هناك
طبعا كتب فيه اشكال والوان ومواقفنا المضحكة والمبكية
واشياء كثير
والحاجة المبتكرة اني حطيت بين الصفحات حبات لبان ( علكة ) اللي تجي مسطحة
وطبعا كنت اكتب على الصفحة كلي اللبانة وبعدين اقراي الصفحة التالية وعجبتها الفكرة مرررررررررررررررة

واتمنى ماكون طولت عليكم