هلا والله بكل من شرفت موضوعي
انا من مدمني فطيره التفاح ولي كم سنه ادور طريقه لهالفطيره بس تكون لذيذه بس للاسف مافيه جربت كذا طريقه والنتيجه :44: مخيبه للآمال الى ان رزقني الله بجاره مثل العسل { ام سلطان } الغاليه الله يوفقها دنيا وآخره قولوا آمين كنت ساكنه جديد في العماره وارسلت قهوه ومعها فطيره تفاح :p واختكم في الله ماصدقت ولو ماني خايفه تقول عني المرأه وش هاالجاره المفجوعه:hahaha: على الاكل كان اتصلت وسألت عن الطريقه في نفس اليوم بس قلت تأدبي يابنت وتعرفي عليها وبعدين أسالي وهذي طريقتي المعتمده من 5 سنوات
وهذي قصه وصولي الى طريقه فطيره التفاح اللذيذه جدا جدا وحبيت اكتبها حتى الكل يستفيد
وصدقوني هالفطيره إدمان
الخطوة الأولى :
المقادير ::cook:
5 فنجان شاي دقيق
1 قالب زبده (الصغيراللي سعره ريالين )
1 بيضه
نصف فنجان شاي سكر
1 ملعقة كبيره بيكنغ بودر
رشه خفيفة ملح
وربع ملعقة صغيره فانيليا
تخلط هالمقادير مع بعض بدون ماء وعلى فكره العجينة تكون مو متماسكة يعني تتفتت وإذا ضغطتي عليها تتماسك إن شاء الله فهمتوا على وبعد كذا افردي ثلاثة أرباع العجينة بالصينية واتركي الربع على جنب
الخطوة الثانية :
خلطه التفاح اللي راح نحطها بالفطيرة
المقادير :
ثلاث تفاحات مقشره ومبشورة
مع كل تفاحه 1 فنجان شاي سكر
نصف فنجان زيت
1 ملعقة كبيره قرفه ناعمة
1 فنجان ماء
كل هالمقادير مع بعض على النار إذا بدأت تغلي خففي النار واحسبي لها عشر دقائق مع التحريك كل شوي
وإذا جهزت صبيها فوق العجينة وحاولي ماتوصل لااطراف الصينية حتى ماتحترق وبعد كذا خذي العجينة الباقية وانثريها على الوجه ودخليها الفرن تأخذ تقريبا من تحت نصف ساعة من الوقت على نار هادئة ومن فوق تقريبا عشر دقائق
وسلامتكم ياحلوات
وهذي طريقتي مو ناقلتها من اي منتدى
واذا اعجبتكم ماابي منكم غير الدعاء لاخي بالرحمه والمغفره
وهذا صحن لا اول وحده ترد
اللهم ارحم اخي عبدالعزيز واغفر له واسكنه جنات النعيم يارب العالمين
اللهم آمين