لعلاج الشيب باذن الله

السلام عليكم ورحمة الله وبركاته


يابنات ياحلوين انا اعاني من الشعر الابيض في شعري مع اني مو مو كبيره بس شكله وراثه عندنا وهذا الشي مضايقني وعارفه كثير بيعانوا من نفس الشي بس انا مليت من الصبغات وحاولت ادور علاج

شفت طريقة واحده فيي النت كاتبتها لاخفاء الشيب وهي عباره عن مجموعه اعشاب

مراميه+اكليل الجبل+ زعتر+بابونج+كركديه+عشبة الاس

طبعا تاخذ قبضه من كل عشبه وحطتهم في كيس وعلقته في الدش عشان كلما تتحمم ينزل على شعرها وتغيره شهريا

المهم انا رحت للعطار ابغى اشتري هذا الاعشاب وسالته هل تفيد في علاج الشيب واذا في اشياء تانيه تفيد لعلاج الشيب

قام اعطاني خلطة زيوت نفس تقريبا اسماء الاعشاب واستخدمتها لمدة اسبوعين بس وقفت لانشغالي الشديد

الزيوت هي :

ميرميه+اس+املج+سمسم+عفص+سنامكي+حبه سوداء+حناء

وقالي استخدميها يوم بعد يوم

للامانه ماجابت معاي نتيجه لاني استخدمتها بس اسبوعين وناويه اكمل ان شاء الله بالاضافه الى اني ناويه استخدم الاعشاب اللي كتبتها لكم فوق

يعني راح يكون نظامي زيت الشعر ولما اتحمم استخدم الكيس اللي فيه الاعشاب


كمان اشتريت من ارمال -GNC قيتامنينات , يقولوا انها مفيده للشيب ( فيه موضوع للاخت الموج الازرق ) وهي

PABA 500 mg
فيها 60 حبه بـ 50 ريال

B- COMPLEX FORMULA 50

فيها 100 حبه بسعر 75 ريال



يعني ماراح اتبع طريقه واحده وراح ابدأ فيها من اليوم ان شاء الله و بعد شهرين اخبركم بالنتايج


اتمنى تستفيدوا من الموضوع ودعواتكم لي بتفريج همي وهم كل مهموم