كيفكم ياامهات ؟؟ وكيفهم الحلوين ؟؟
بارك الله لنا في مابقي من شعبان وبلغنا رمضان
...........................................
قبل كم يوم تعبت تلونتي ,,
وزكمت وعندها رشح وشوي احتقان ,,
وكنت قريت خبر انو وزارة الصحه بتصدر منع لصرف
بعض المضادات و علاج الكحه وطارد البلغم للاطفال
اقل من 6 سنوات ,,
لانه لا توجد دراسات كافيه لتاكيد امان استعمالها
للصغار ,,
وبصراحه جاني رعب <--- موسوسه درجة اولى
,,,,’’,,,,’’,,,,
اول ماحسيت انها بدت تزكم وشفتها تعطس اديتها
عصير برتقال فرش مع عصره ليمونه وملعقة عسل
علشان تتقوى مناعتها ,,
واديتها ملعقة عسل اسود
وعلى المغرب اديتها كاسة تليو
(( هذا مدحه لي دكتور لما كان عمرها 4 شهور
ويقول انو مفيد للكحه ومذيب للبلغم
وكمان مفيد للغازات عند الرضع ))
وبعد مااتعشت اديتها كوب بابونج
(( وهذا كمان مدحو لي نفس الدكتور وانو كويس للاحتقان ))
ولمن جت تنام دهنت صدرها وظهرها بزيت سمسم
وصرت اضرب خفيف على ظهرها من اسفل للاعلى
وكمان من الجوانب { تقريبا تحت الابط بشوي }
ودهنت رجولها من اسفل بفكس ولبستها شراب
واديتها بخاخ للانف قبل النوم
وطبعا كثرت لها سوائل علشان ماترتفع درجة حرارتها
ومن نصايح الوالده انو مااعطيها حلويات او شوكولاته وهي عندها كحه لانو يزيدها ,, واعطيتها عصير جونيور لانه بدون سكر
,,,,,,,,,,,,
والحمد لله حمدا يليق بجلال وجهه وعظيم سلطانه
بنتي من اليوم الثاني خفت كثير ,,
بعكس لما كنت اديها المضادات كانت على الاقل تجلس اربعه ايام على ماتخف
ونقلت لكم تجربتي للفائده
تقبلو ودي
ام تالين
الله يعطيها الصحه ويخليها لك
الله يجزاك خير على النصاايح