لعل وحده منكم دعائها سبب في سعادتي

السلام عليكم ورحمه الله وبركاته صاحبه هذا المعرف صديقتي : مشكلتي اني شلت هموم وحرمان من ابسط حقوقي كطفله من يوم كنت طفله في اول ابتدائي ابتليت بمرض السكري وابوي وامي انفصلو عن بعض كلها يوم كنت في اول ابتدائي طفله ما افهم شي رحت انا وامي عند اهل امي مايبوني ودائماً يطردوني من البيت يقولون انقلعي عند ابوك جدي وجدتي وخالاتي بالرغم من ان بيتهم كبير جداً ابوي مايسأل عني ولا يصرف على ابداً ولا يدري انا عايشه ولا ميته وامي عاطله عن العمل ولا كان استأجرنا بيت لحالنا كبرت وكل يوم تكبر المشاكل ويزيد عندي ارتفاع السكر واتنوم في العنايه من قوه الارتفاع والنفسيه السيئه و القهر اللي اتعرض له من اهل امي عمري الحين 27 سنه شعري كله ابيض اشوف اخواتي وابوي مسافرين اوروبا سياحه والله مافكر ياخذني معه ولا قالي يلا يابنتي تسافرين معنا ولا يدري انا مريضه ولا جيعانه ولا يسأل عني حتى طيب انا بنتك ليش ما تسأل عني الحمدلله توظفت براتب محترم ونقلت انا وامي شقه لحالنا وارتحت من الظلم والقهر و الكلام اللي يسم البدن لاكن ارتحت بعد ايش بعد سنين طويله من الهم و الالم النفسي بنات ابغى منكم دعوه صادقه لعل وحده منكم قريبه من الله فعلاً احتاج دعاء