اسعد الله صباحكن / مسائكن بالنور والمسرات .
حبيت اعطيكم فكرة لعمل كيكة العروسه لحبايبنا البنوتات الامورات لأي مناسبه او بدون مناسبه عادي خل ينبسطون .
بحثت هنا وهناك عن اسهل طريقة لعمل هالفكرة لاني اولا وقتي ضيق وما اقدر اخذ راحتي لازم احد يقاطعني كل كذا دقيقة ,,
والشي الثاني اني عجازة وابحث عن المختصر المفيد.
فكل ماشفت شي لازم طبقات او الصحن النصف دائري او تبردين الكيكه وتنحتيها بالسكين .. كلها مقدور عليها لكن شخصيا ماناسبتني .
فبحثت في دولابي ولقيت هالصينية قلت خلاص انحلت المشكلة والحمدلله .
اتوقع كل وحده محبه للصواني وتعمل الحلويات مر عليها هالقالب , موجود بأغلب محلات الكماليات او الاواني مو صعب تواجده .
خبزت لي كيك بيتي كروكر لانه سريع وللأسف الصغار يفضلوه اكثر بكثير من الكيك العادي البيتي .. والمناسبه لهم مو لنا .
المقادير المعروفه ,, وبتلاقو الوصفه او الطريقة موجوده خلف الكرتون :
عندكم خيارين بهالصينيه :
اما تسوي مقدار واحد وتضيفي الحديده الاضافيه حتى تعملي فتحه بوسط الكيكه وتقدري تحشيها انتي باللي تحبين ,, صلصة شوكولاته غاناش خفيفه او حلويات او كريمه , فواكه او مربى .. الخ .
او الخيار الثاني اللي انا سويته اني عملت مقدارين كيك واضفتهم ومافيهم اي فتحه حتى تكون كيكه كاملة .
عذرا نسيت اصور الصينيه ,, لكن دهنتها بزبدة ورشيت عليها كاكاو بودره .. اذا الخليط ابيض رشيها بطحين .. واضفت في اول الطبقات من داخل الصينية ورق زبده حتى اتأكد ان الكيكه راح تطلع بالكامل وماتلزق في الصينيه وتورطني بكسر او شرخ او مصايب انا في غنى عن ترقيعها .
هنا بعد الخبز وطلعتها وبردت والحمدلله ضبطت معي .
الحين نجي لهدف الفكرة .. نجيب عروسه لعبه ويفضل ان شعرها يكون قصير ,, ونقص الرجلين حتى يناسب طولها مع طول الكيكه وتصير متوازنه معها .. (( يفضل غسل الجسم بالصابون ))
ونلفها بالسولوفان او كيس بلاستيك حتى ماتلوث الكيك نفسه ,, ونرجع نحطها بوسط الكيكه .
الحين جاء دور ابداعكم وافكاركم انتو في تزيينها .. مع دريم ويب او بدونه براحتكم .. شخصيا لو زينتها بالدريم ويب محد بياكلها مانحبه .. فزينتها بشوكولاته بيضاء مذوبه في الماكرويف .
ومعها بعض الديكورات والزينات نخليها كشخه مع اخر موديلات فساتين 2017 .
واستخدمي اللي يناسبك من رود او خرز يوكل او زينه الكيك او حتى اغراض بلاستيك مثل الورد الصناعي لكن ماتنسي تقولي لهم انها ماتوكل ,, ضيفة الشرف معنا على الحفله , والكل اعجب بها والحمدلله .
هذي من الداخل :
الكل يعتقد اني تكلفت وتعبت في اعداد الطبقات واخذت وقت وجهد من وقتي الثمين ,, وهي كرتونين كيك وقالب جاهز .
وسلامتكم ,, نودعكم على امل لقائكم في هذا القسم مره اخرى او اي قسم اخر من اقسام عالم حواء .
فكره جميله وتزيين أجمل