مساء الفل والياسمين وعلى احلى بنات حواء فى العالم ..
انا بصراحة حسيت انى ماعرفت اوصل المعلومه بشكل واضح فى الموضوع السابق لانى كنت اتقد ان كتير كانو عارفين طريقة التطبيق.. فقررت اعيد صياغة الموضوع بشكل اخر مفصل
عشان الكل يستفيد يلا بينا تبدأ ونقول المقادير بالاكواب ع حسب طلبتكم
المقادير ..
6 اكواب دقيق (الاكواب المعياريه )
ملعقه ك خميره
ملعقه ص ملح
ربع كوب سكر
3 معالق ك حليب بودره
2 كوب ماء واذا احتاج زيدى
2 حبة بيض
5 اصابع زبده وممكن تعملى( 4 اصابع لو حابين تقللو الدسم برضو بيكون حلو) ملحوظه .. كل اصبع = 100 جم
الطريقه
يتم وضع كل المكونات الجافه فى العجانه ..ثم البيض يخلط ثم الماء
ويعجن ع السرعه الثانيه لحين مايكون لونها ابيض
نترك العجينه ترتاح (20 دقيقه)
وده شكل العجين قبل التخمير
وده شكل العجين بعد التخمير
ثم تفرد
ثم تضع الزبده فى المنتصف
ملحوظه مهمه ,, لازم تكون الزبده جامده فى الثلاجه
وانا بفرد الزبده ع شكل مربع زى ماشفتو فى الصور وندخلها التلاجه ..بحيث تكون جامده لان لو هى سايحه مش هاتعرفو تعملو اى حاجه
يتبــــــــــــــــــــع محدش يرد
بعد كده نطوى الطرفين اللى بالطول ع الزبده مثل كده
بعد كده نطوى الطرفين الى بالعرض ع الزبده مثل كده
ثم تقلب ع الوجه الاخر وتفرد بالنشابه بالراحه وبهدوء عشان الزبده
مش تخرج بره العجين
ثم نطوى الطرف الى نصف العجين ونضع فوقه الطرف الاخر مثل كده
ثم نطوى الطرف الى نصف العجين ونضع فوقه الطرف الاخر مثل كده
خلاص كده ودى اول تطبيقه بعد كده ندخلها التلاجه ساعه وده مهم جدا (عشان الزبده نفضل محتفظه بقوامها وماتسيح )
وبعد مانخرجها من التلاجه ودى اسهل من الخطوه الاولى لا تستغرق منك دقيقتين ..نفردها شويه ثم نطوى الطرف الى نصف العجين ونضع فوقه الطرف الاخر ..
وتبقى دى تانى مره باقى مرتين بنفس الطريقه
زكل مره ومره نحطها فى الثلاجه ...
وفى اخر مرحله تفرد ب نصف سم بتكون رقيقه نوعا ما
عشان الكرواسان من جوه يجى طبقات ومش يبقى عجين
ونقطعها بهذا الشكل
ثم تلف بهذا الشكل
ثم تضع فى الصنيه غير مدهونه لان فيها زبده كفايه
ونتركها تختمر مره اخرى (مهم جداا عشان تيجى معاكى خفيفه)
ثم ندخله الفرن ع درجة حرارة وسط او 98 بياخد وقت شويه فى الفرن عشان يستوى من الداخل وبتعرفى لما تمسكى واحده
وتحسى انها خفيفه فى ايدك مش ثقيله لو ثقيله يبقا لسه
قلبها عجين
يتبـــــــــــع محدش يرد
اوك