1duck
•
شكرا
اهلين بنات اسعدني مروركن...بالنسبه لاكلهم هم فعلا مايكلون الا المفيد واللي مساعدهم ان الفواكة والخضروات متواجدة عندهم بكل مكان ..يعني في كل زاوية تلقين عربية فواكة حتى عند الاشارات وفي البقالات حتى البقالات الصغيره ..يعني انا واولادي ندخل البقالة ونشتري شوكولاته ولا بطاطس واشياء ماهي مفيدة ..لكن هم تلاقينهم يشترون تفاح او اناناس او فراولة وياكلونها وهم يمشون بالشارع عاد الفواكه عندهم تجنن حتى شكلها والوانها غير اللي عندنا ...لكن سبحان الله بجانب هالاشياء المفيدة يأكلون اعزكم الله الصراصير ويفضلونها مشويه ومرصوصه على اعواد خشب ..وياكلون بعد الديدان ونشوفها بالسوبر ماركت باكياس مضغوطه مسحوب منها الهواءعشان ماتخرب مثل اكياس التمر عندنا ..وطبعا أعزالله السامعين اللحم المفضل عندهم هو لحم الخنزير ..وياكلون اشياء واشياء ماتتخيلونها مابي الوع كبودكم اكثر ..لكن فعلا الصينين شعب غريب وتحسون انهم عالم اخر ...بس تدرون ان الماء الدافيء والشاي الاخضر يحرق هالسموم اللي ياكلونه..والاخت اللي تسال عن صفاء بشرتهم ..اولا طبيعتهم كذا بالاظافة الى انهم يعتنون فيها بشكل خيال ولا يحبون السهرلان السهر يدمرالبشرة ولازم قبل النوم الصينيات يستخدمن قناع للوجه يوميا يعني اي قناع يناسب البشره لمدة ربع ساعه بعدين يغسلنه ويحطن كريم مرطب ..وعندهم مساج الوجه ضروري مرتين بالاسبوع ..عاد مايحتاج يموتون على المساج ..وان شاء الله بستغل تواجدي بالصين وأسأل عن كل شيء وانقله لكم على شان الكل يستفيد خاصة بالاشياء اللي تخص الجمال والرشاقة .
الصفحة الأخيرة