لعيونكم احلى شاكريه شاميه **غدا ممييييييييييييييييييييز**

السلام عليكم ورحمه الله

كيفكم ياحلوات..

دايم استفيد منكم في ابداعاتكم..

واليوم قررت انزل لكم اكله شاميه اصيله

بس بتطبيق سعودي

طبعا اغرتنا المسلسلات السوريه بأكلاتهم
ومن بينها الشاكريه
وكنت اتمنى اني اسويها واذوقها..
فسويت بعض البحوث في قوقل
وطلعت بهذي النتيجه اللي ابهرت اهلي فيها
والله عجبتهم مررررررررره

ولعيونك بنزل الطريقه بس معليش ماصورت الخطوات
بس صورت الشكل النهائي اعذروني
لاني اول مره اسويها وكنت متحمسه ولاعندي وقت اصور
طولتها وهي قصيره

على المقادير والطريقه

حطيت زيت وبصل مفروم وبهارات عدله(هيل+ قرفه +ورق غار)
في قدر الضغط وحمستهم شوي

بعدين حطيت اللحم وحركت شوي

وبعد كذا اضفت له مويه حاره وسكرت قدر الضغط وتركته نص ساعه على النار لين استوت اللحمه
بعدها طلعت اللحمه واخليتها من العظم وقطعتها قطع متوسطه وتركتها على جنب..

نجي لأهم خطوه
اذوب ملعقه نشاء في قليل من المويه البارده
واضيف عليها 5 علب زبادي واحركها
واضيف بعدها ملعقتين طحين(دقيق) واحرك
واضيف عليه اقل من كاس مويه عاديه
واضيف بهارات عدله(هيل +قرفه) رشه فلفل اسود وشوي بهارات كاري
واحطها على النار يعني كل الخطوات اللي فوق من دون مانحطها على النار ونحرك
لاااااااااااااااااااااااااااااااااااااااااااااااااااااااااااااااااااااازم

تحركون بأتجاه واحد بس
يعني اذا حركتي بأتجاه عقارب الساعه لاتغلطين وتعكسين
لين يبداء بالغليان بعد كذا اضيف من مرقه اللحم تقريبا كاس
عاد كل وحده وقياس عينها لايصير مثل المويه ولايصير ثقيل مره
واضيف قطع اللحم مع الملح واتركه شوي على النار الهاديه
واسكبها<<تراي تعبت فيها
في زبديه
واكون حامسه شوي ثوم بشوي زبده واحط عليها كزبره مفرومه
واحطها على الوجه
وتقدم مع رز بشعيريه
وتمتعوا بالطعم الرائع
امممممممممممممممممممم
هذي صوره الشاكريه
1
ياسلام على الدلع<<<----- عادي امدح نفسي اسولي دعايه
وهذا الرز بالشعيريه
2
وهذي السلطه
3
وهذي لأول وحده ترد
4


وبالعافيه على قلوبكم ان شاء الله
بس لاتنسون تسمون قبل ماتاكلونها
واذا خلصتوا وقبل ما تغسلون يدينكم لاتنسون تضغطون ايقونه الشكر:27:
وما ابي منكم الا دعوه حلوه ان ربي ينصرني على من ظلمني
وينصرني بموعدي بالمحكمه:44: