السلام عليكم ورحمه الله وبركاته
كيفكم يااخواتي وش علومكم وكيف العيال والجيران<<<اخلصي:icon19:
الموهيم انا توي ضيفه جديده عليكم حبيت افيدكم ببعض من تجاربي الشخصيه
وقسم اني مجربتها وجابت لي بنتائج باهره<<<ماتقلد الاعلانات
ويشهد الله علي جابت نتائج مره حلوة
هي معروفه والكل يعرفها بس اكيد ان في حريمات جاهلينها وخافيه عليهم
نبدا بسم الله
1- اللي تعاني يابنات من كبر مسامات سيقانها ووتتفشل انها تلبس قصير قدام احد او زوجها او في المناسبات
تاخذ مايلي
* تاخذ كميه كبيره من هالكريمين(كبيره اقصد المربربات والمنفوخات)
المهم تاخذين من كريم جرجنز او اي كريم ترطيب وتخلطينه مع كريم اساس اي نوع طبعا اللي عندي جي كازانوفا
المهم تخلطينه مع بعض زين وتمررينه على سيقانك كلها قسم تخفي المسامات والخدوش
والحوادث مثل سيقاني وتطلع تلق لق وتبرق برق من اللمعان والبياض
2- اللي تبي مكياجها يطلع حلو وبشرتها ملساء خاصه اللي مافيها حبوب وحوادث يستحسن تحط مكياج ناعم يعني بودرة
وماسكارا وقلوس وكحل طبعا الحمدلله قولوا ماشاء الله بشرتي صافيه وناعمه ومافيها حوادث ومااحط كريم
اساس ماحط الا البودرة بس
والسر تطلع بشرتي حلوة فيها لمعه اني اغسل وجهي بصابونه ديتول وانشفها واحط كريم من لوريال اسمه
بالانقلش( ري نوريش كلينسينق ميلك) قيمته 28 ريال من النهدي بعض الصيدليات ماحصلته فيها
تحطين منه على وجهك قبل المكياج وتخلينه بس 5 دقايق وتحطين البودرة وتمررينها زين على الوجه كلها عشان
مايطلع بقع وكملي بقيه مكياجك قسم بالله خلا بشرتي فيها لمعه ولمسه مخمليه روعه روعه بمعنى الكلمه
انصحكم تجربوها
3- الشعر وما ادراك مالشعر طبعا انا مهتمه فيه لابعد حد تدرون وش السر بلا دابر املا بلا هم مالكم الا زيت
العافيه جربوة وحده بوحده والله ماتندمون قسم شعري غطى ظهري من هالزيت بس للاسف هبله قصيته
وبعد انصحكم تجربون مايونيز مع ملعقه كبيره عسل والمايونيز يكون اكثر وحطيه على شعرك لمده ساعتين
واكتميه بكيس وغسليه زين وبعدين حطي فاشكول بالثوم
والله يابنات سويتها بهالعيد طلع شعري جنان ويشهد علي ربي اني ما احتجت استشوره
ولا اخفيكم ان افضل الشامبوهات هو غارنييه تراه يهبل واختاري اللي يناسب شعرك
واللي مويتهم مالحه زي عندنا بلدمام اشطفي شعرك بمويه شرب بعد الاستحمام عشان تحافظين على نعومته ولمعانه
وعشان ماينفش شعرك حطي سيروم كريستال قبل الاستشوار وشوي بعده يساعد على تماسك الشعر وماينفش بعز الصيف
4-نجي لخلطات البشرة يابنات استخدموا بس زبادي وماء الورد ونشاء اخلطوها مع بعض ترا والله افضل ماسك
على الاطلاق وش لك بالكريمات والهم:icon810: واستمري عليها
واللي تعاني من الهالات السوداء حول العين بسبب السهر او من كثر شرب المنبهات او عامل مكتسب غير وراثي خذي شاي ليبتون ونقعيه
بمويه دافيه وكمدي بها عيونك 5 دقايق وبعدها شيليها ونقعيها بمويه بارده وارجعي حطيها يعني مره دافئ ومره بارد مع الاستمرار على
وضع شرائح الخيار والله لتخففه عنك بنسبه كبيره
5- اللي جلدها خشن كنه حراشف مثلي وتحس انها نص حرمه ونص رجال مالها الا سكر مطحون كميه كبيره وتخلطه مع زيت زيتون
وتفرك بها جسمها قسم ليطلع المكرونات والشعيريات واستمري عليه لين يتغير لون السكر من البلاوي اللي طلعت من الجلد
واشطفيه بمويه بارده
6- لرائحه الفم افركي لثتك واسنانك بالزيت الزيتون هو افضل مطهر ومعقم للفم من اي غسولات ثانيه سبحان الله فيها مواد تقتل الجراثيم والبكتيريا
طبعا لافركتيه وخلصتي غسلي اسنانك بالفرشاه والمعجون واستمري عليها وعليك بالقرفه والهيل والنعناع طبعا
عشان تكون ريحه فمك فواحه حلوة مو فواحه الله المستعان:mad:
7- اللي تعاني من البكتيريا والحساسيه في المناطق الحساسه عليها بغسول (ليو كريم) ارتحت عليه كثثيير
يابنات وانصحكم فيه انتعاش وريحه حلوة ونظافه
8- اللي يدها خشنه من كثر غسيل المواعين:3_13_12:
ماعليها الا كريم جرجنز اي نوع وتدهن يدها فيها وتلبس قفاز وتكتمه زين وتخليه ملفوفه يدها للصباح وتشوف الفرق
هذا اللي حضرني الحين من تجاربي الشخصيه ولا ادري هالموضوع هو مكانه المناسب اولا
واي استفسار انا حاضرة او ترسلون لي ع الخاص
واللي ماضبط معها تراه ضبط معي ومع غيري من هالتجارب ولحد يدعي علي ويزعل:mad:
ومابي الا دعوة منكم بظهر الغيب ان الله يعجل بزواجي قريب ويجمعني بسعد ويشفيه ياارب ونسكن ببييت ملك وينصر امي يوفقها بدراستها ويكفينا شر الحساد
تكفون لاتنسوني من الدعوات
برتكانه فوشيه @brtkanh_foshyh
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
جزاك الله خير ماقصرتي