لعيونكم حلى جوز الهند للزنقات

بسم الله الرحمن الرحيم

السلام عليكم ورحمة الله وبركاته

امس واناا بي اسوي حلى لضيفه بتجيني الف وادور مدري وش اصلح سويت نوع وقلت بسوي شي ثاني خطرت على بالي

فكره خطيره بس ماصورت الحلى وخذ باقيه زوجي لدوام اليوم قلت احطلكم المقادير والطريقه وهو مره سهل سهل سهل

لايحتاج فرن اذا صلحته مره ثانيه صورته ونزلته لكم تشوفونه ................ تسني هذرت واجد صوح

المقادير

1 علبه بسكوت شاهي

1 كوب جوز الهند وخلي الجوز كثير

2 علبة قشطه

قطعه صغيره زبده ولاتكثرين

4 ملاعق شكولاته بودره

نصف كاس سكر

الطريقه

اطحني البسكوت ناعم مره وحطيه في طاسه واسعه وحطي عليها السكر والكاكاو واعجنيها بواحد قشطه ذوبي الزبده

وصبي شوي وخلي شوي منها على جنب وجيبي قصدير افرديه حطي عليها باقي الزبده وامسحيها على القصدير عشان

مايلصق البسكوت حطي عجينة البسكوت وفرديها بفراده مدهونه الين تستوي وخليها على جنب جيبي الجوز الهند

وحطيه في طاسه وجيبي القشطه وحطي بالملعقه ملعقه ملعقه وحركي الين تصير متماسكه ومتحتاجين كل علبة القشطه

وحطيها على البسكوت المفرود على جنب من ناحية الحافه بس بعيده شوي من الحافه ولفي البسكوت زي السريس رول

في البدايه من فوق الجوز الهند ولفيها بعدين لفي عليها القصدير وضغطي عليها ودخليها الثلاجه لمدة ساعتين طلعيها

من الثلاجه وفكي القصدير وقطعيها دوائر بس لاترفعينها ثخنيها شوي وقدميها مع القهوه بتلاحظين ان طعمها زي

الباونتي جربوها مره بتعجبكم:p

وهاذي:26:لأول وحده ترد