اليوم سويت غدانا صينية بطاطس مهروسه ومحشية باللحمه المفرومة
واليكم....متعوب علها...الطريقة وبالصور
اول شي نسلق بطاطس بمويه وشوي ملح
نقشر البطاطس ونحط عليها شوي ملح وفلفل اسود ونهرسها زين في ناس تهرسها بالخلاط بس انا مااحب باليد عندي احسن
بعد ماتنهرس شوي نحط عليها شوي زيت زيتون وشوي حليب (اي نوع )انا حطيت حليب بوني
بعد ماتنهرس عدل نفرشها في صينيةونواسيها عدل
وطبعا نكون مجهزين لحمة مفرومه عاديه مثل حقت السمبوسةونحطها على البطاطس
بعدين ياطويلات العمر نحط الباقي من البطاطس المهروس على اللحمه ونفردها زين واللي تلزق البطاطس بيدها تقدر تحط شوي مويه اوزيت بيدهاوتكمل بعدين نخفق بيضه مع ملح وفلفل اسود وشوي حليب ونمسح فيها وجه الصينيه وندخلها الفرن من تحت شوي تقريبا ربع ساعه ومن فوق لحد ماتتحمر وعليكم بالعافية
وهة قطعه للجوعانه وبالعافية
