السلام عليكم ورحمة الله وبركاته
في البداية ترى ماني راعية بخور
لكن لكثرة الاسئلة اللي تجي على الخاص
تسألني عن طريقته
سألت لكم حرمة من الدواسر من اللي يسوونه وقالت لي عليه
لكن ترى يبي خبرة واللي تسويه لاول مرة المفروض تكون معها وحدة مشرفة تعرف طريقته
وهذا كلام الحرمة قالت :
المقادير
6 كيلو عودة
2 كيلو ظفوروسط او كبار
نصف كيلوحب مستكة رقم واحد
كيلو ونص جاوني ابو كندرة الاسود
ربع كيلو شنة البعض اظن يسميها شيبة
الأطياب :
5صندل كبار من العواد او الشرهان
نصف دبة زعفران ابيض من العواد
20 حبشوشة صغيرة من العواد
2دبات كبار وردي مع درزن من ابو نفرة
دهن عود من العواد دبته ذهبية وكرتونه احمر
4 شمة عنبر رقم 15الف صغار او 2 كبار
شمة رقم 4000 أربع حبات كبار
2 من روح العنبر كبار او 4 صغار
1 عبيطة عنبر منالعواد عليها خط أخضر بسعر 200
وهذي المقادير كبيرة تكلف تقريبا 14 ألف
ممكن تسوي نصفهاأو ربعها أو ثلثها على راحتك
وكلها عند العواد في المعيقلية
وكل ماكانت العودة جيدة كل ماكان البخور أطيب
تقول انها تاخذ عودةمن اللي كيلوها من 800 الى الف أو
وممكن تنوعي في العودة بعضها من الف وبعضها من 700 أو 800
واللي ماتعرفيه من الاطياب قوليه لصاحب المحل وهو يعرفه
الطريقة :
طويلة وتحتاج انك تشوفي اللي تسويها لكن لكثرة اللي سالوني عنها على الخاص
بقولها حسب كلام الحرمة اما عني فانا ما أسويه ولا ابي اسويه لانه متعب جدا وممكن تلقي جاهز بسهولة
الطريقة على كلامها تقول :
احمسي الظفور بعد ماتنظفيها... وبعد ماتنضج خذي كمية من العطور وكبي الظفور فيها وهي حارة واتركيها لعدة ساعات
واحمسي الشنة وكبيها مع الظفور في الاطياب ثم شيليها من الأطياب ونشريها على شرشف هي والظفور واتركيها حتى تجف
ثم دقيها خشنة ودقي العودة ثم وديها عند الطحان يطحنها شبه ناعمة
ثم خذيها وصبي عليها الاطياب اللي ذكرنا مع المقادير والطيب اللي طلعتي منه الظفور وافركي العودة بالطيب فرك زين لين تتشرب العودة الاطياب
وبعدها اعملي الصمغ حقها من التمر او جيبي الصمغ الموية او اخلطي جزء من التمر وجزء صمغ
وصمغ التمر تعمليه بانك تطبخي التمر مع موية تم تصفي الموية وتاخذيها وتكبي الالياف وطبعا تشخلي موية التمر بقماش ناعم مثل غترة قديمة حتى تكون صافية مررررة
وبعدها تاخذي كمية من ماء التمر وتضيفيه على العودة وتعجنيها وتبدئي بتكويرها ورصها في صحن وتعرضيها لهواء مروحة بعيد عن الشمس الى ان تجف
ثم عبيها في قواريرها واتمنى تكونو فهمتوا واللي مافهمت تبحث في المنتدى اكيد بتلاقي لأني ماحب اهمل الاسئلة وانا ماني صاحبة خبرة في هالمجال ابد لكن سألت لعيونكم وانتوا كمان ممكن تسألوا
@الحسن@ @alhsn_2
محررة
يلزم عليك تسجيل الدخول أولًا لكتابة تعليق.
بسبوسة با لجالكسـي
•
ول 14 خلينا على لبان الذكر ازين هههههههههههههههههههههههههههههههههههه امزح يعطيك العافيه
الله يجزاك الجنة ~
موضوعك في المفضلة
يمكن الله يوفقني يوم و أشتغل بتجارة البخور
بالذات إني من عائلة تقدر البخور
تسلم الأيآدي ~
موضوعك في المفضلة
يمكن الله يوفقني يوم و أشتغل بتجارة البخور
بالذات إني من عائلة تقدر البخور
تسلم الأيآدي ~
لا يمكنك مشاهدة هذا التعليق لانتهاكه شروط الاستخدام.
الله يوفقك ويسعدك دنيا واخره
ماقصرتي ان شاء الله بجربه بكميه صغيره
:26::26:
ماقصرتي ان شاء الله بجربه بكميه صغيره
:26::26:
وعليكم السلام ورحمة الله وبركاته
يعطيك العافيه
ياليت تعطيني أرقام حريم يبيعون البخور ابي أفخم شي
يعطيك العافيه
ياليت تعطيني أرقام حريم يبيعون البخور ابي أفخم شي
الصفحة الأخيرة