لعيون احلى شقيه والبنات خلطتي المعتمده والي مرتاحه عليها

السلام عليكم ورحمة الله وبركاته


حبيت افيدكم ومااكون نحيسه :p



هذي خلطة ياطويلات العمر تسوينها شهر وترك يعني شهر ايه وشهر لاء


تحذير ** تحذير**تحذير


قبل لاتدرعم الوحده الصيدليه وتسوي فيها وبعدين احصلها رازة موضوع كبر فيسها تتحسب علي

هذاي احذركم :16:

1- بشرتك حساسه سوي اختبار حساسيه وهو نقطه من الكريم بباطن يدك على ظهر جلدة الكف

اتمنى تكونوا فهمتوا


2- حامل مرضع خاطرك تحملين ارفع يدي عنك واقول الله يحفظك النونو الي بالطريق او اللي بين يديك يسوى

تفتيح العالم كله ومايسوى تخسرين صحة النونو عشان خلطه



3- ماتشربين مويه ماتحطين واقي شمس وداجة بالقوايل وسهر لتالي الليل بعدين تقولين هالبنت نصابه ارجوكم

نترفع عن هالحركات اوكي حبايبي



4- الخلطة تنحط عالفيس بالليل بالليل بس ولازم مايكون فيه نور هالكلام مو من عندي من الكلام الي قريته

بالوصفه الطبيه .



5- تتحمس الوحده اسبوع بعدين تطفى وتقول هالبنت نصابه عاد هذا الي يخلي الواحد يعاف يكتب شي



6- تستخدمين خلطتي وتلبخين على عمرك قراشع ثانيه واحصلك رازة فيسه تشكين كذب الله حسيبك

وكل وحده تعرف وش هببت بعمرها فلا ترمي بلاها على غيرها


7- اذا قررتي استخدام الخلطه فديت قلبك خليها بعد البريود يعني بعد الورده ماتجيك وتخلص ثاني يوم استخدميها

بتقولون ليه لان المنطقه وقت الاخت بتكون مكتومه وهالشي مو زين لان ممكن تتقشر عندك المنطقه

فهمتوا علي فخليها لاخر يوم بالاخت واستخدميها ومنها تعطي البشره فترة تتعالج وتتهوى



8- الله يرضى عليكم اللي تستخدم الخلطه ممنوع تحف والا تشيل واكس او حلاوة لان الجلد جالس يتقشر

فهمتوافاذا شلتي يمكن المنطقه تكون متقشره وتاترك لكم تخيل الالم والنتائج المترتبه @_@



9- تراي مجربتها على نفسي ومستحيل اكتب لكم شي ماجربته على نفسي اول لان هالشي راح اتحاسب

عليه من ربي الزبده تأكدي اي حرف كتبته استشعرت رقابة الله قبل خلقه .




يالله هاللحين كل نفر يقول هزا واجد قرقر < طراه ان احب عمري واخاف من سيل الدعاوي الي بتحوشني منكم

ايه ياماما احب عمري وبعض البنات عليها اسلوب تقول اني جابرتها وسحبتها من كشتها الا والا تجرب :hahaha:



طبعاً الكريمات معروفه بس طريقة تطبيقها غلط عشان كذا ماتعطينا النتائج اللي نحلم فيها

2 الدوكين فورت 4%

1 سكنور

1 كريم رتن اي

3 كريم افالون البرتقالي ( لانها راح تكون للجسم كله )

1 اليكوم



الصابون طبعا البابايا 3x1



الكريمات تنخلط بعلبه زجاج غامقه اللون تنحفظ بالثلاجه ولاحظوا اني قلت لونها غامق لان الضوء بيأثر على

مفعولها واللي ماعندها تخلطها بعلبة زجاج وتحفظها بمكان مافيه ضوء بالثلاجه يعني ماتحفظيها بالباب


اذا بتستخدم عالوجه يخلط بس افالون والدوكين وربع الرتن اي اذا بشرتك حساسه ونص الرتن اذا الوضع تمام



طريقة الاستخدام :


لازم تاخذي شور قبل النوم ونصيحه اي خلطة للبشره او الشعر لازم تكون البشره والشعر مهيأه للاستقبال


يعني نظيفه بيظهر المفعول اكثر لان مافي شي يعيق الاستقبال .


تاخذي الخلطه وتدهني فيها جسمك كله حتى المنطقه الحساسه والاباط وتجنبي منطقة العيون


حاولي ماتحطين الخلطه الا قبل موعد نومك بربع ساعه تحممي البخي عمرك بالخلطه صلي الوتر لو بركعه


{ إن الله وتر يحب الوتر فأوتروا يا أهل القرآن }


اذا صحيتي الصبح تحممي بشكل عادي ادهني جسمك كله بزيت لوز مر انا استخدم المر وناسبني والحمد لله


اذا حسيتي ان جسمك بحاجة لترطيب مافي احلى من لوشن فازلين بزبدة الكاكاو بس للجسم مو الوجه


للوجه استخدمي كريم اولاي ناعم وحلو وخفيف وتشربه البشره بسرعه


اللي في وجهها حب شباب تنقع كسره مره بماي وتخلطه مع زيت اللوز وتمسح وجها بقطنه وتستخدم غسول


نيتروجينا اكني ووش وتحاول قد ماتقدر ماتمسك وجهها بيدها .



اللي تبي الخلطه يكون مفعولها 100% حاولي تبعدي عن مصادر الحراره المباشره يعني لاتفتحي الفرن وانتي

رازة فيسك قدامه ولا تلصقين بالدفايه او تتحمي بموية حارة تسلق جلدك سلق وبعدين تعصبين وراه الخلطه

مافتحتني :eek:


وعشان تكون النتائج معاك تمام مافيه احلى من هيك استخدمي حمام البخار بالصابون المغربي مره بالاسبوع


واذا تبون طريقتي ابشروا


نتائج الخنبقه اللي فوووق :32::


- بعد شهر اذا ناظرتي فيسك بالمرايه اذكري الله
- الشهر الثاني بنزل خلطته بموضوع ثاني ولاتخافون كلها اشياء طبيعيه .
- الخلطه تخفي آثار حب الشباب الخفيفه من تجربتي اما الغامقه مابكذب بس جربوا وش بتخسرون .
- اللي عندها ركب واكواع مفاصل يدها غامقه تستخدم ديبورساليك مرتين مدة اسبوع وبعدين مرة وحده
وتعمل تقشير يومي بالسكر والليمون وزيت الزيتون للاماكن الغامقه
-في بعضكم تكون الحاله عندها مستعصيه تستخدم الخلطة مدة 45 يوم ولاتزيد على ذلك :angry2:

اخيراً << مابغيتي :biggrin:


لعيون احلى شقيه نزلت الخلطه دعواتكم الله يوفقها بزواجها ويجعلها حورية بعيونه ويبعد عنهم كل شر .


ولاتحرموني دعواتكم ان الله يرضى علي ويرضيني ويرزقني بالوظيفه واكمال نصف ديني :35:



واي سؤال حاضره ياقلبي والسموحه ياغوالي :26: