الحلوة اللي سألت عن قبولي الدجاج ,,, القبولي عادة أكله تتاكل بالاعراس والمناسبات بس علشان الدجاج اسهل نطبخها في اي وقت ,,,
وطريقتها الاصليه ,, دجاج , بهارات صحيحة (هيل كامل وقرنفل وقرفة نجمة يانسون فلفل حب اسود كامل ومجروش الاثنين طماطمايان مقطعه ارباع , بطاطس مقشرة من الحجم الكبير , زنجبيل وثوم وبصل مبشور ,, هيل حبشي ,فلفل ناشف كامل , وطبعا اللومي العماني الناشف وهذا الاخير معروف ,,, ورق اللورا ,, ماجي دجاج )
تحمسين البصل والثوم والزنجبيل ثواني مع سمنة واكرر سمنه الطبخة هذي بالسمن مش بالزيت وممكن بالزبده ,, وتالي تنزلي الدجاج المنظف والمقطع والمنزوع الجلد وتقلبيه مع بعض الين تشمي ريحتة بدت تطلع وصارت تجنن ,,,
تنزلي الطماطمايات والبهارات كلها مع الماجي وتقلبيهم زين زين وتالي تحطي عليه ماي اعلى من مستوى الدجاج ب3 سنتي وتقيسي المله زين زين ..
وتتركيه لين يصير مستوي طبعا لا تنسي تغطيه وبعد ما تتأكدي انه استوى نجي للخطوة الاهم : يا اما انج تحطي عليه الرز المغسول والمنقوع على طول وتكبسي عليه وتوطي النار الين ينضج وتالي بالعافيه تقلبيه بالطبق وتاكليه او الخطوة الثانية اللي مثل اللي بالصورة وهي طريقة حديثة للقبولي ياقلبي وهي ,,,
تشيلي الدجاجات بعد ما نضجوا على جنب وتنزلي الرز بنفس مويتها وتتركيها لين تستوي وتكوني جهزتي اللون الاصفر ووزعتيه على وجه الرز بدون تقليب ,,والدجاجات بتحطيها على النار في مقلايه بيها طماطم مضروبه بالخلاط وعليها فص واحد ثوم وفلفل اخضر مجروش وكركم وفلفل اسود شويه مطحون واذا ممكن معقه صغيرة بهارات دجاج .. وتنزلي كمان البطاطس معاهم وطبعا البطاطس نضجت لانها انسلقت مع الدجاج وتقلبيهم تماااام لين ما تحسي الخلطه اتشربتها الدجاجات والبطاطس وتالي تغرفين الرز وتحطي فوق الدجاج وصحةةةةةة
الحلوات اللي شرفوا موضوعي لا عدمت تواجدكم يا حبيباتي وربي يحميلكم كل غالي يارب ,, بنت سنة الحبيب واتكلم جد ان كنتي فعلا تشتهيها ارسلك اياها بالشحن فديتج ,,, وجددلك الذكريات ههههههههههه
الصفحة الأخيرة
هلا والله ياعمري ,,, الشوا يندفن بأول يوم العيد بالضبط ويطلع ثالث يوم والنار تكون نفس الشي مدفونة تحت التراب وتكون هادية واللحم ينطبخ بهدوووووء وعلى راحه راحتة وبالعكس يطلع رااااااائع مش ذايب ,,, ناضج بطريقه رووووعه ويم يم يم في ناس تزود الفلفل المجروش ويعطيها نكهه مو طبيعية والله ويتخزن بالفريزر لسنة واكثر وبس ماعليج الا انج تطلعيه وتسخنيه بالفرن و نفس طعمة يوم ما طلع من الحفرة ,,,
ياريتكم قريب مني او لكم حد بعمان والله لرسلكم بالعيد تذوقونه ..