لعيون تفاحة الجنه وكل البنات (عاوزه تستحمي وتغسلي البانيو من السواد الي هينزل تعالي )

انا يا بنات بعمل طريقه من اختراعي ممكن متعجبوش بس نتيجتها جنان
انا معنديش جهاز السونا عندي جهاز البخار بتاع البشره فقط
في البدايه بفتح الميه السخنه في البانيو واقفل الباب والشباك وكله (لو عندك جهاز سونا هيكون اريح بس دي حل سريه للمعندهاش زي )
واقعد في البانيو بتاع عشر دقايق كده ريلاكس خالص
خلطتي الصابونيه التي لا غني عنها (صابونه مغربيه او صابونه نابولسي شاهين حلوه جدا دي بزيت الزيتون تبشريها وتحطي عليها ازازه ماء ورد ومعلقتين جلسرين ومعلقتين زيت زيتون وعصير ليمونه ومعلقة لبن بودره وكل على النار شويه لحد ماتلاقيها زي الكريم وتحطيها في اي علبه عندك وخليها دايما في الحمام )
واقوم احط الخلطه الصابونيه الروعه على جسمي كله واسيبها شويه تنشف في الوقت ده احط ماسك على شعري اغسل سناني احط ماسك على بشرتي اي حاجه يعني وفاكرين جهاز البخار الصغير الي قلت عليه
اختراعي هو الاتي :
عارفين كياس الزباله الحمرا والسودا الطويله دي جبت واحد وقصيت فتحه صغيره يادوب تدخل راسي ولبسته على المسك الي في جسمي ووقفت بحيث يبقي البخار تحتي وافضل واقفه الطريقه دي بتخليني اتسلق وطبعا الحاجه ام الاختراع احسن ماروح مركز تجميل عشان السونا ومبكونش براحتي وبيكلف
بس بعد ما كل جسمك يعرق ادعكي بالليفه المغربيه مش اي ليفه فاهمين لانها بجد سحر لوحدها
هتلاقي بلاوي سودا طلعت لان جسمك عرق
خلاص كده كل ده انتي بتتشطفي بميه دافيه مش ساقعه عشان المسام ميتقفلش
في طبق تكوني محضره صنفره ( شويه ملح وسكر ولبن بودره وليمونه وزيت زيتون على قد جسمك) وتاخدي بايدك وتصنفري جسمك
بحركه دائريه حتي بشرتك
وسيبيها شويه في الوقت ده جيبي الحجر الخفاف وادعكي ركبك ورجلك
وبعدين اتشطفي بميه ساقعه فاهمين لان لازم تتعودوا اخر شطفه لجسمك ميه ساقعه عشان الجلد ميترهلش حتي غسيل وشك العادي سخن وبعدين بارد

خلويص كده نشفي جسمك بسرعه يعني خليه مندي برضه وخلي عندك ازازه صغيره فيها جلسرين وزيت زيتون دي مبشلهاش من حمامي رطبي بيها جسمك كله حتي بشرتك وخليكي خمس دقايق كده عشان البشره تتشربه والبسي هدومك متغسلوش

هو دا حمامي ونتايجه مذهله تصدقوا اني بعمله كل اسبوع وكل مره اغسل البانيو بعدي لان بيطلع سواد رهيب من الجسم فلازم اسبوعيا يا بنات وهتشوفوا التفتيح والنعومه الرهيبه بعدها هتتدمنوه زي

ادعولي يابنات ربنا يسعدني واي سؤال انا موجوده






ملاحظاتي الخاصه :

انا بقالي شهرين اسبوعيا بعمل الحمام ده وكمان ممكن مرتين لو رايقه
1 -جسمي افتح وبقا لون واحد
2-اي حبوب في جسمك وخصوصا الي بتكون على المؤخره هتروح
3 لو ركبك غامقه اعملي الحمام ده ويوما رطبي بفازلين هتتفتح لان السواد جفاف مش اكتر
4- انا جربت قناع الموز للشعر جنان بجد لمعه ونعومه رهيبه واكيد انتوا عارفيه ( موز ومعلقه عسل ومعلقه زيت زيتون وبيضه ) روعه وعملته من اول مره لاحظت النعومه واللمعه
كان عندي حبوب على كتفي بسبب الحلاوه راحت

تجربتي الخاصه ومش منقول