هاذي طريقة الرز الهندي اتمنى انها تنال رضاكم ولاتنسونا من صالح دعاكم.
المقادير..
حبتين طماط-راسين ثوم-ثلاث حبات فلفل حار-رز طويل الحبه الكميه حسب عدد افراد الاسره-نص حزمه بقدونس-حزمه نعناع-راس بصل كبير-زيت للكشنه -ماء كادي- ملعقه صغيره صفار الزعفران-لبهارت..ملعقه من كمون - كاري-زنجبيل-البهار الخشن..ليمون اسود حبتين- عود قرفه صغير- قرنفل- 3حبات هيل-3ورقات غار-مكعب ماجي والي ماتستخدمه تستعيض بالملح-وطبعا دجاجه مقطعه ومنظفه.
نقطع البصل وونكشنه بشوي زيت ونحط ملعقة الزنجبيل..لين يذبل
بعدها نحط عليه الدجاجه انا افضل نزع الجلد ونغطي عليه دقيقتين ثم نقطع الطماط صغير ونحطه عليه ونرمي عليه مكعب الماجي والفلفل الحار بعد شقه من النص بالسكين وممكن نستغنى عنه الي مايحب الحارونحط البهارات الخشنه والناعمه والثوم بعد نقشره ونفرمه وتغطي عليه شوي
نضيف عليه كاس مويه حار ونغطي عليه خمس دقايق..نفرم البقدونس والنعناع بفرامة البصل
لين ينعم ونضيفه على القدر
نطبخ الرز بقدر ثاني لين يبقا عليه شوي ويستوي
نحطه على قدر الدجاج
نضيفه شوي شوي عشان مانخبص الخلطه لين تصير الطبقه الي فوق بيضا..نحط ملعقة صفار الزعفرن ونصب عليها ماء الكادي
ونصبه على الرز من الطرف ونغطي القدر لين تنشف مويته ويوم نغرف ناخذ من كل جهه عشان تظهر كل الالوان ..وعلى قلوبكم بالعافيه
واي استفسار انا حاضره