حبيباتي بنات عالمي المفضل
عــــــــــــــالم حـــواء
:27:
كيفكم ؟؟عساكم بخير يارب
أول مرة ترى أنزل صور في موضوع
بس اتحمست من كتر ما أشوف كل اللي بنزلوا صور مشترياتهم وبصراحة فعلا بأستفيد من تجاربهم
فقلت ليش ما أفيد غيري زي ما بأستفيد
صلوا على النبي عليه أفضل الصلاة والتسليم واذكروا الله
مــــــــــــــــا شـــــــــــــــاء اللـــــــــه تبــــــــــارك اللــــــــــــــــه
رحت عزيز مووول من محل في الدور التاني اسمه على ما أعتقد دار سمائل
زي ما هو واضح في الصورة اشتريت أساس من ديور اللي يجي لونه على زهري مو بيج ب 185 ريال
وكونسيلر من ريميل يجي سائل نسيت بكم أخدته
وماسكارا ماركة كاراجا ب45 تقريبا
لونين بلاشر ماركة كاراجا لون أحمر ولون مررررة روعة وردي مع تموجات حلوة
الواحد ب60 ريال
ثلاثة أرواج ماركة كاراجا
بصراحة مرة تعجبني ثااااااابتة وما تروح على طول وألوانها قوية وحلوة ولو حطيتي عليها قلوس تطلع روووعة ب35 الواحد
عطر اسكادا اس مرة عجبني ريحته حلوة وتناسبني ومو قوووية وتصدع الراس
عموما أحب الروايح الرايقة واسكادا عطورها تناسبني غالبا
اشتريته ب245
ً
علبة شدو 48 لون مركة لي لي
مسوين عليها عرض اخدتها ب 35 ريال
لونين مناكير أعتقد الواحد أخدته ب20
وبــــــــــــــس
في النهاية أعطاني دي الشنطة هدية
حلوة وتنفع تشيلي فيها مكياجك بترتيب في شنطة يدك وجا فيها كحل صغنون وماسكارا وروج ومناكير كلها صغنونه من ماكس فاكتور
ودي الصور يا حلوين
ودا اللي بقي من الأشياء الصغنونه والباقي أعطيته لأختي ربي يسعدها
أتمنى يكون موضوعي عجبكم ونال على استحسانكم
وأي سؤال أنا حاضرة
انتظر ردودكم الحلوة اللي أكيد حتشجعني وتحمسني اني أنزل مواضيع بالصور
دعواتكم لي ولزوجي وأولادي بالحفظ من المولى عز وجل
في أمـــــــــان اللــــــــه