الحين قرأت :
هل هو ولدك البكر ؟؟؟؟؟؟؟؟؟؟؟؟؟؟

ابني البكر من باب الدلال الزائد كنت أنا أحب أطعميه وتأخر شوي عن الباقيين .

هلا مهى
فعلا هو ولدي البكر عشان جذي في كل شي مدلع .. مش بإيدي غصبا عني .. ما شاء الله عليه هو ريال و يقدر ياكل بروحه بس أعتقد لأني انا احب اسويله كل شي ، صار خلاص يبغيني انا في كل شي .. بس الحمدلله من يومين بديت احطلتهم الاكل قبل موعدهم الي متعودين عليه عشان يقدر ياخذ وقته و هو ياكل .. لأن طبعا اشغللهم التلفزيون و هم ياكلون و ها الشي يأخره عن الاكل
و بعد ما عندي شغاله عشان جذيه ما كنت أستحمل بطأه او ما كنت مستعده اتنازل عن ها الدور لأن عندي شغل ثاني او ما اريده يوسخ تحته
شكرا مهى على الاهتمام

أنا كنت أتساءل عن ها الموضوع .. أريد اعرف ها شي طبيعي اني القمه لقمة لقمة او لا .. اذا عادي بستمر .. اذا مش عادي لا بحاول معاه يتعلم ياكل بروحه .. خصوصا بعد ما اكتشفت ان بعض من جاراتي بعدهم يلقمون عيالهم و هم أكبر من ولدي

أنا الحين عمر بنتي سنة و6شهور وتاكل بنفسها إلا الزبادي أنا اللي أطعمها ياه

آه ه ه ه جيتوا على الوجيعة أنا ولدي البكر أربع سنين وتسعة شهور وأعاني معاه نفس المشكلة معظم الأصناف ياكلها لحاله لكن بعضها مثل الرز والشوربة والكورن فليكس ما يرضى ياكله إلا إذا أكلته ونظرا لأنه شهيته ضعيفة أضطر أأكله بنفسي لأني لو ضغطت عليه ياكل شوي(تسكيته)وبعدين يقول شبعت ..قولوا لي إييييييييش الحل؟؟؟؟؟؟؟
لكن الحين نبهتوني علشان الثاني (سنة وسبعة شهور)أبدأ معاه من الحين خاصة إنه ما شاء الله عليه عنده استعداد.