بنات انا معكم في اللعبة بس وش اسوي بالمفتاح

بنات أنا جمعت لكم اللي الحل اللي كتبته كله....

راح أبدا وياكم من الدور الثاني إن شاء الله....

أول ماتدخلون الطابق لفوا يسار بتشوفون ممر على اليمين وباب على اليسار...

لفوا يمين وادخلوا الممر...

بتشوفون صالة وكنبات وباب مواجهكم ادخلوا من هذا الباب...

راح تكونون في غرفة مظلمة فيها شموع على الجدار من جهة اليمين استخدموا الكبريت وولعوها...

وعلى اليسار مكتبة فيها سي دي خذوه....

تمام لين هني...

الحين اطلعوا من الغرفة وامشوا سيدة لين توصولون لنفس الممر اللي كنتوا فيه...

وامشوا فيه لين توصولون للصالة اللي فيها تلفزيون ومشغل السي دي...

حطوا السي دي فيه وشغلوه راح تسمعون نغمة هذي النغمة اللي لازم نعزفها ركزوا عليها....

الحين نرجع لنفس الغرفة اللي فيها شموع واللي اخذنا منها السي دي....

فيها باب ثاني يودي على غرفة البيانو ...

والمشكلة كلها في المقطوعة إذا ما انحلت ماراح تقدرين تطلعين الله يسامحهم بس....

المهم روحوا للبيانو وراح تلاقون إنه فيه 5 مفاتيح بس على اليمين تقدرون تضغطون عليهم....

طبقوا نفس تسلسل الارقام اللي بالصورة إن شاء الله تكون واضحة...

إذا غلطتي بتسمعين صوت نغمة سريعة وتوقف...

اما إذا طبقتي صح راح يكمل البيانو عزف باقي المقطوعة....

وياي يابنتوتات....



الحين لازم نروح على المطبخ وفيه طريقتين بس الاسهل من غرفة البيانو على المسبح اللي برا...

ومن عند المسبح فيه باب يودي على المطبخ وياي...

في المطبخ ساعة وتحت الساعة فيه لوحة وعلى اللوحة نوته صغيرة مكتوب عليها رقم....

احفظوا الرقم والافضل اكتبوه على ورقه الرقم اللي طالع لي هو 7648 ....

وكل وحدة بيكون رقمها غير يتغير على كل لعبة....

تمام للحين...

الحين سيروا للصالة اللي تسبق غرفة الشموع والسي واللي فيها كنب ومكتبة...

لما توصلون لها الباب السري بجنب المكتبة على اليسار إن شاء الله تلاقونة...

استخدموا الرقم اللي اخذناه من المطبخ في فتح الباب...

بعد ما تفتحون الباب السري راح تكونون في ممر ادخلوا من الباب الاول المواجة...

بيطلع بعده باب واحد على اليمين...

ادخلوه بتلاقون 3 ابواب ادخلوا الاخير على اليمين...

بتوصلون الممر على اليمين بيوصلكم على باب ادخلوه...

وباب ثاني ادخلوه...

وباب بعده...

وبعدين بابين على اليمين خذوا الثاني ...

وبعدين باب واحد على اليمين مغلق افتحوه بالمفتاح اللي وياكم...

بتوصلون للدرج انزلوا منه لتحت بتشوفون سور حديد مثل اسوار السجون...

استخدموا الحديدة وافتحوا فيه فتحة....

والحين انتوا احرار وما احلى الحرية...

مبروك حليتوا اللغز...

:)
thanks

بناااات انا ماعرفت احل شئ

لعبه صععععععععععععععععععععععععععبه جدددددددددددددددددددددددددا ماعرفت شي بس جمعت اوراق حمراء وزرقاء ومفتاح لونه ازرق وكعكه شي مثل الكعكه وشكرا على الحوسه مع انى ماشفت حمام مادري وين الحمام اى باب