لــذوات الـــــقــــلــــــــــــووووب الـــرحيمة...

الــســـلام عـلـيـكم ورحـمــــة الـله وبـركـاته..
بنات الله يخليكم أبي مساعدتكم لأني والله العظيم محتاجة لكل نصيحة ولكل مشورة تحطوني فيها على الطريق الصحيح وصدقوني والله ماراح أنسى لكم هالمعروف وبجد أنا مالي ألا الله ثم أنتم.........
أولآ...
أنا طالة بكلية التربية المستولى السادس والبنات اللي يدرسون أو درسوا بالكلية يعرفون أن هذا المستوى فية تربية عملي
الحمدلله الأسبوعين الأولى كانت مشاهدة والأسبوع الثالث كان عندي نقد
أما الأسبوع الثالث جبت فية العيد
كنت عند ثاني متوسط وكان درسي عن التطير المادة طبعآ توحيد
طبعآ دخلت الفصل وبالتأكيد بتكون ردة فعلي بهالموقف أني أصارخ عليهم وياليتني ماصارخت شكلة مع الصرخة طارت المعلومات
أول مابديت بالتمهيد ألا والأستاذة داخلة
شفتها من هنا وطارت المعلومات من هنا
يعني
أنا ناقصة أول حصة وربكة وبعد حضور
تتوقعون أنا وش سويت يوم شفت الأستاذة.؟؟؟
.
.
.
.
.
.
.
.
.
.
.
.
.
.
.
.
.<<<<<<<<طلعت وتركت الحصة
طبعآ الحمدلله أن الأستاذة فاهمة وتربوية وقدرت الموقف وقالت أنها راح تتغاضى
لكن المشكلة الحصة الجاية يوم الثلاثاء وعندي حديث ثالث متوسط
بعد والله العظيم أني ماجهزت ولاسويت ولا شئ
طبعآ تحضير أخذت الجاهز ونقدوني علية
والله ماني عارفة وشلون أحضر ولا وشلون أربط ولا الوسائل ولا أحط تمهيد للدرس
تكفون يابنات اللي تقدر تساعدني لا تقصر
ولو معلومة بسيطة يمكن تنفعني






أنا بحط لكم الحديثين اللي عندي الحصة الجاية...



عن أبي هريرة رضي الله عنة أن رسول الله صلى الله علية وسلم قال:( حجبت النار بالشهوات؛ وحجبت الجنة بالمكاره).





الحديث الثاني...




عن حذيفة رضي الله عنة قال: سمعت رسول الله صلى الله عليه وسلم يقول:( تعرض الفتن على القلوب كالحصير عودآ عودآ؛فأي قلب أشربها نكت فيه نكتة سوداء؛وأي قلب أنكرها نكت فية نكتة بيضاء؛ حتى تصير على قلبين؛على أبيض مثل الصفا؛فلا تضرة فتنة مادامت السموات والأرض،والآخر أسود مربادآ كالكوز مجخيآ لايعرف معروفآ ولا ينكر منكرآألا من أشرب هواه)



تكفون يابنات
أبي أفكار تناسب موضوع الدرس.......