لـــــــحـــــظـــــــة نــــــــــدم ؟؟؟؟

كتبت الشعر مو لجلك ولكن فاض بي بركـان

واما أنت فلا تسوى قصيده فـي نظـر عينـي

حلفت لي تصوني إذا صـار الزمـن خـوان

وأول ماعثر حظـي علـى دربـك خذلتنـي

كسر رمح الزمن صدري وجيتك اشتكي حيران

نزعت الرمح من صدري وفي ظهري طعنتني

خسااااره كيف حبيتك !! نعم والله وأنا ندمـان

غبـيـه أدري مــادام أنــت سكنـتـنـي

وكنت أبكي إذا تبكي وأكون لبسمتـك فرحـان

وكنت أقرب من رموش عينـك يـوم تبغينـي

عرفتك للأسـف صحـرى وحولتـك بستـان

وشلتني غصن أخضر وفي صخرتك زرعتني

على كف الشقا نامت جروحي والألم سهـران

يحطمني يبعثرنـي وفـي صحـراك يرمينـي

ولكن عزتي تفرض أكـون بدنيتـي سلطـان

وإن ظنك أجي وأركـع لرجلـك ماعرفتنـي

أنا ماعادتي أشحت من أمثالك رضا وإحسـان

أمـوت بعزتـي أرحـم ولا ذلـك يغطينـي

مـادام الوفـا عنـدك يـدور لـه عـنـوان

بـدور لـي قلـب يصـون الحـب وسنينـي

ولو قلبي ذكـر حبـك بولـع فيـه النيـران

وبكسرهـا أنـا رجلـي إذا صوبـك تودينـي

تقول الناس في وصفك وسيم مثل عود البـان

وإنـك أجمـل وأحلـى بشـر مـن طيـنـي

حسااافه غرهم شكلك ويامـا تخـدع الألـوان

عموما قد بقت كلمه أخيـره لـك وتسمعنـي

إذا كنت بنظر غيري ملاك في شكـل إنسـان

قسم بالله ماتسوى قصيـده فـي نظـر عينـي


أعجبتني ها لقصيده و ان شاء الله تعجبكم

منقوووووووووووول


سي يو