ABOAHMD @aboahmd
عضو
( ×_× ) لـــك ...... و ......لـــهـــا ( *_* )
نصائح لك ولها ... لا تفهمونا غلط .....!؟!؟!؟
بسم الله الرحمن الرحيم
أحبتي في الله
موضوع جديد وغريب في وقت واحد ....!!!
حاولت قدر الامكان تعديل بعض الكلمات الغير لائقة , وشطب بعضها الأخر , دون المساس بصلب الموضوع ...
هذا الموضوع عبارة عن نصائح زوجية له ولها بأسلوب هزلي لاذع جميل لا يخلو من الضحكة ومن الطرفة .....
لا يعني وضعي لهذا الموضوع موافقتي التامة عليه وعلى ما يحويه من نصائح , ولكني وجدت أن الخير فيه أكثر ....
ملاحظة أخيرة
ليس بالضرورة أن تنطبق هذه الصورة على المجتمع بكامله نسائه ورجاله ...... بمعنى أخر لا يعني أن كل الرجال كمثل صاحبنا ولا كل النساء كمثل أختنا .....
والله من وراء القصد
أترككم الأن مع هذه النصائح
أهـم قاعدة أساسية في إستمرار العلاقة الزوجية هي الإحترام المتبادل ..
يعني شئ إسمه مكابرة و عنطزه هذا تنسونه طالما ناوين تكملون حياتكم مع بعض ..
و الا خذوها من قاصرها و تطلقوا قبل ما تبلشون بعيال مساكين كل ذنبهم إن أهلهم مغرورين
*- لـك
موب تقعد تتفشخر عليها بشهاداتك و علمك مثل ذاك الدكتور اللي طلق حرمته علشانها ما تعرف نظرية فيثاغورس قايلينه هالرياضيات ما نرجي من وراها خير أصلاً
*- لـها :
صحيح إن الرجال ما أخذك حبـّا فيك و إنه أخذك حبّـاً في وظيفتك ( هذا ليس على العموم ) بس موب معنى هذا إنك تقعدين تعايرينه بشهادة الكفاءة اللي معه و على طاري المعاير بأستشهد لك بقصة "ميب" حقيقية و صدقيني "ما" صارت لناس "ما" أعرفهم يقول لك وحدة تزوجت واحد تعرفت عليه من الإنترنت كل ما تهاوشت مع رجلها قالت له : إيه قل إنك غاير مني ليش إن رتبتي "عضو بروفيشينال إنترناشونال" و المنتديات كلهم يدورون علي و إنت توك "عضو مايدري وين الله حاطه فيه" و لا حد يعطيك وجه
*- لـك :
إذا زوجتك مدرسة إعرف متى يكون عندها حصة فراغ خل عندك ذوق إتصل عليها حسسها إنها على بالك و قل لها انك متصل علشانك مشتاق لها (بس لا تكثر ترى الغرفة مليانة مدرسات) و بآخر المكالمة قل لها تحاول تعتذر عن باقي الدوام و ترجع البيت تطبخ لأنك الحقيقة عازم زميلك على الغداء
*- لـها :
لا تعودينه إنك تدقين عليه على طول بسبب و بدون سبب بإسلوب إشتقت لـك وينك تأخرت و خلافه لأنه بالشكل هذا ماراح يقدّر إتصالاتك حق قدرها و لا يهتم بالمكالمات و يصير يطنش و تخيّـلي عاد يطنش يرد وإنتي ذيك الحزه( مشتـَـطـّـة ) و عندك سالفة ضرورية مثل "نسيت أقول لك ترى الخبز قاضي"
و دائماً..دااااااااائماً ....لو إتصلتي على رجلك وحصل و تهاوشتوا ... لا يجي في بالك إنه سكر السماعة بوجهك إفترضي إن الخط إنقطع بسبب الشبكة التعبانة خليك إنتي العاقلة
*- لـك :
لا عمرك تدلع مرتك قدام أمك ترى الأمهات حساسات من هالناحية (مع إنه معروف هالدلع شهر العسل و غيره تقشير بصل)...بس موب تروح تصب لمرتك شوربة و تلقـّمها السمبوسة ما بقى إلا تاكل عنها بعد و أمك قاعده تتفرج على حشاشة جوفها و هو يأكل مرته اللي توه يعرفها و أمه اللي طول عمرها تدلعه
و لا تكثر سواليف عن خواتك قدام مرتك خصوصاً أيام الملكة لأن بعض البنات و يمكن تكون زوجتك منهم تفكيرهم هالكبر (.) تبي تحقد على أخواتك قبل لا تشوفهم من كثر ما تسولف عنهم ...
أيام الملكة كل سواليفه إختي فعلت وإختي سوّت اللي يسمعه يقول بتتزوج إخته يوم إنه يسولف لها عنها .. عاد بعد الزواج بثلاث شهور بغى يناديها قام نادى إسم إخته البنت سوّتها مشكلة و ما رضت إلييييين ما وداها
*- لـها :
إنتبهي تقارنين نفسك بخوات زوجك أو تعلقين عليهم قدامه لأن هذا التصرف بيحسس زوجك أنك تغارين منهم مع إني دارية إن هذا اللي حاصل في الواقع بس ترى مافيها شئ لو زوجك ضحك مع خواته تراهم خواته قبل لا تصيرين زوجته و المفروض غلاهم من غلاه
*- لـك :
أدري إن طلعة السوق أكره ما عندك بس لا تنسى إن طلعاتكم السوق تتناسب تناسباً طردياً مع تكشخها لك و إذا تبيها كل يوم شكل و لون كل شي بحقه
*- لـها :
إعرفي متى تقولين لزوجك عن أي مشروع طلعة موب إذا جاك من الدوام يبي يرتاح إستلمتيه إمش نبي نطلع ... أنتي جمعي مشاويرك كلها و إذا شفتيه مرتكز في الصالة يتابع مباراة فريقه ولنفترض إنه ......، إلبسي له ملابس تليق بطلبك وقولي له كلام كان يسمعه منكي أيام الزواج الأولي*- لـك
إذا كنت إنسان طموح و عندك نية تكمل دراستك برا... لا تقعد تتفلسف و تقول أبدرس و أتزوج بعد ماأخلص حرام أمرمط البنت معي في الغربة ...من قال لك إنها مرمطة هالحين على كيفك خليتها مرمطة أصلاً البنت وافقت عليك مخصوص حتى تدرس معك موب علشان سواد عيونك يكون في علمك
*- لـها :
ترى أهلك ما زوّجوك حتى تسكنين عندهم !! خفـّي عليهم شوي إحمدي ربك إنك ساكنه في نفس الديره غيرك بنات متغربين مع أزواجهم ما يشوفون أهلهم إلا بالسنة و السنتين مرة (عيني عليهم باردة) و بعدين موب لازم كل ماراح لأهله رحتي معه محرم مثل ماأنتي تروحين لأهلك لحالك .. أحياناً هو بعد لازم يروح لأهله لحاله..
خليه يوسع صدره مع إخوانه لايقولون حرمته حرمته
*- لـك :
ماراح تنكسر يدك أو تقلل من هيبتك لو إنك ساعدت حرمك المصون في تسبيع المواعين و ضف الخلاقين للغسيل زي ماإنتم شريكين في الحياة و شريكين في البيت المفروض شغل البيت تتشاركون فيه بعد إيه وش فيها ؟؟
*- لـها :
لا تصدقين المسلسلات إذا جابوا لك ممثلة تضيـّق على رجلها و ما تخلي معه ولا قرش حتى ما يعرس عليها ترى كل ذي خرابيط × خرابيط ... الرجال إذا بغى يعرس أعرس و لا شاور ياوخيتي و ترى الشرع محلل له أربع أنتي أهم شي لا تقصرين معه ولا مع أهله حتى ما يلقى له حجة يلومك فيها و الشكوى على الله
*- لـك :
إذا صنفت في راسك و لزمت بتعرس على مرتك و لابد..... حط في بالك زوجتك الثانية لازم تكون أقصر من الأولى حتى تخفف من وقع الصدمة عليها و إذا بغيت تستقدم زوجة من برا البلد إحرص إنك تاخذها بنت نعمة متعودة على الخير و عط أهلك خبر بالموضوع موب تسافر بالأسبوعين والثلاث بحجة العمل و إنت في واقع الأمر تشوف مرتك اللي ماخذها من سنة ممن هب و دب و فجأه تروح تطق على أمك على غفلة و معك مرتك الثانية و إنت مخطط تسكـّنها في الدور الثاني و من ثاني يوم ربعها و اللي من طينتها ذا المشافيح يزورونها و يصافقون بالبيبان و يدابكون على أمك هالضعـّيفة بلاهم ماقد شافوا دور كامل في حياتهم حدّهم حمـّام و أوضه فوء السطوح يالله
مع تمنياتي للجميع بحياة هانئة
منقول
3
639
يلزم عليك تسجيل الدخول أولًا لكتابة تعليق.
الصفحة الأخيرة