الى كل ام واب انجبو الاطفال سؤال ؟
ليه تنجبون الاطفال ؟
هو سنت الحياة او رغبت الاهل او نزوه او تقليد وغيره
حبيباتي الامهات انا ام زيكم ام وأم لكل طفل شاف الاضطهاد من اهله او احد الوالدين يمكن تستغربون وش المناسبه الي خلتني اكتب هذا الموضوع بخصوص اضطهاد الاطفال والعنف والضرب المبرح . السبب الحوار الي دار بيني وبين صاحباتي والقصص الي قالوها لي عن بنات بعمر الزهور تروح المدرسه واثار الخيزران على جلدها وامهات تمرض عيالها وترسلهم للمدارس بس تبي تفتك منها والي تخلي بنتها الصماء والبكماء تروح مع السواق الي مايخاف ربه والبنت في المرحله الابتدائيه لدرجت ان البنت تعبر بئشارات على جسمها تدمع لها العين وين الام عن بنتها وين الابو وين الرقابه وحس الأمومه والبوه هذولي عيالنا فلذات اكبادنا اذا ماسهرت الام على اطفالها ياترا على مين بتسهر واذا ماشالت همهم مين الي بيشيل همهم ويساندهم
الله لا ينزع من قلوبنا الرحمه واجعلنا ما نعيش الغفله على امانه وهبنا الله اياها لكن هيهات امهات غافلات للأسف شعارها دائما {ماعليها اوف انا تعبت منها والخ.......}
ويشهد الله اني اكتب والقلب ينزف والعين تدمع على اطفال عاشو العذاب والاضطهاد من والديهم للاسف وصدقوني الكلام كثير والقصص كثيره الي تعصر الفؤاد وتدمي القلب الحجر
وانا لواحكم العالم كان انتشلت كل طفل عاملوه اهله بقسوه وعنف من اشباه الوالدين الي راح يحاكمهم رب العرش العضيم على الارواح البرئيه الي ما قدرو قيمتها فياامهاات تمتعو بأبنائكم وخلو للحلم مساحه من عاطفتك وشخصيتك وكوني ام حنونه وصدقوني راح تجنون نتيجت التربيه بالحب والحنان والرحمه والعطف على الاطفال البريئه وراح يحنون عليكم اذا كبرتو واتمنا كلامي يلاقي صداه في قلب كل ام واب
وانصح كل متزوجه وام الي مالها حلم ولا تحب الاطفال وماعندها الطاقه للتربيه لاااااااااااااااااااااا تنجب وتعذبهم ويمكن تدخل النار بسببهم والله لا ينزع من قلوبنا الرحمه
وهذا كله كوم والتحرش من قبل الأهل كوووووووووم نسأل الله العافية والسلامة