الموضوع فيه لت وعجن (لاتعصبون)
واللي فيها حره من رجلها ... عيالها ... اهلها ..
. حمولتها... شغلها
تحطها بها العجينه الضعيفه ولو ان مالها ذنب
حلاوه هالطبخه في رمضان رهيبه .... احلى من اللقيمات العاديه
محشيه جبن كيري او جبن بالكيلو حسب ذوقك
عن نفسي تعجبني جدا بالجبن الكيري
المقادير:
كاسين دقيق
علبه قشطه
بياله زيت
شوي ملح
ملعقه كبيره خميره
ملعقه صغيره بكنج باودر
3 ملاعق حليب بودره
الطريقه:
تعجن المقادير مع بعض ويضاف اليها ماء حسب الحاجه الى ان تطلع لك عجينه متماسكه لينه
ثم طلعي حركتك فيها خبطيها يمين يسار فوق تحت لين تحسين انك طلعتي اللي بخاطرك وبردتي حرتك
واتركي هالضعيفه نصف ساعه فقط في الصيف اما الشتاء في الوقت يزيد شوي
ثم ابدي احشيها بجبن كيري وسكريها زين حتى مايطلع الجبن من العجين ثم (يتفقع وجهك من الزيت ويبلش بك اللي عندك وتدعين علي)
وان كان لابد من الرفاله وماعرفتي تسكرين العجين وطلع الجبن في الزيت البسي برقع ولا نقاب وانتي تقلينها خخخخخخخخخخخخ
وحطي في صينيه او صحن شوي دقيق
وكل مادورتي عجينه محشيه حطيها بالصحن الى ان تنتهي من المقدار كله
في زيت متوسط الحراره
حطي الكور وحركيها الى ان تستوي من جوى وتحمر من برى
حطيها بصحن ثم حطي فوقها الشيره زي اللقيمات
ولاتكتمينها خليها تنفس حتى ماتصير لينه لان احنا نبيها تقرمش قرمشه
وممكن تحطين الشيره جانبيه اذا حبيتي
تحتاجين معها شيره عمل الشيره للناس الرفلان اللي مايضبطونها ياخلونها ثقيله مره او خفيفه كنها مويه ترج
(كاس ماء+كاسين سكر+شوي زعفران+شريحه ليمون+شوي فانيلا) تترك تطبخ 5 دقايق وتبرد وتوضع بعلبه وفي الثلاجه لحين الاستخدام)
يعني سهله جدا لكل كاس ماء كاسين سكر
2 كاس ماء تحطي 4 كاس سكر يعني الضعف
لاتزعلون ياقليبي بس صورت الشكل النهائي والصوره قديمه عندي فحبيت انزلها لكم
