اول شي سوي كفته عاديه يعني اعجني اللحم بالبهارات والبقدونس والكزبره مع شويه بقسماط حتى تتماسك وبعدين شكليها اصابع وبعدين اقليه
املحي الباذنجان وخليه ينزل الميه السودا شويه وبعدها اقليه
احشي كل قطعه من الباذنجان باصبع الكفته يعني لفي الكفته بقطعه باذنجان
حطيه بالصينيه بحيث يكون الطرف اللي ملفوف تحت عشان ماينفتح
سوي صلصه الطماط
احمسي شويه بصل وثوم وحطي عليها طماط مقطع وتركيها تذبل شويه وبهريها وضيفي عليها شويه ماي مع صلصه طماط
ضيفيها على صينيه الباذنجان ودخليها الفرن يادوب تتسبك
وهني وعافيه
لاتقولون لي مقادير ترا اللي بتسوي صينيه قدها هي زوجها تختلف عن اللي بتسوي للبوفيه حطي الكميه اللي تناسبج