لفائف لفائف لفائف من مطبخ ديم الغيم ^_^ صور صور صور

السلام عليكم ورحمة الله وبركاته..

اخبار الحبيبات؟؟ اتمنى تكونون بخيييير..

المهم ياطويلات العمر هذي طبخه سويتها وخذتها معي لاهل زوجي.. واعجبتهم مرررره الحمدلله.. وحبيت افيدكم فيها لانها بصراحه تواجه.. استقيت فكرتها من النخبه مع التغيير الشامل..
مقادير عجينة اللفائف السائله خذتها من شغالتي كانت تسويها بسريلانكا ( ادعو ان الله يخلفها علي بأبرك منها بتسافر بشهر محرم :icon33: ) المقادير: كاسين طحين كاسين ماء بيضه بيالة زيت وفنجال سكر نص ملعقة خميره صغيره وشوي ملح وفلفل وكركم.. اخلطيها بالخلاط وصبيها على التيفال على شكل اقراص لين تستوي..
وبعد كذا سوي خلطة الخضار اللي هي عبارة عن كوسى وجزر وبطاطس وبصل مقطعات مكعبات وبصل اخضر.. وحطي معها شوي ثوم وملح وفلفل وزنجبيل بودره واحمسيهم لين يستوون وحطي عليهم ملعقة مايونيز وملعقة جبن سايل.. وتصيرين قد حمستي الدجاج المكعبات وصفيتيه من المويه بعدها اضيفيه على الخضار واخلطيهم بعيد عن النار.. وبعدها لفيهم وصفيهم بصينيه واسقيهم بخلطه (شوي مايونيز وجبن سايل اخلطيهم مع شوي مويه اخذت فكرتها من كتاب النخبه بس انا زدت عليها المايونيز) وزينيه باللي تحبين وهذي الصور..














يتبع لاتردون حبايبي