لفتة محبة حتى مايكون الثمن عمرك ؟؟!!!

( بسم الله الرحمن الرحيم )

السلام عليكم ورحمة الله وبركاته

أسعد الله أوقاتكم برضاه،وبارك لي ولكم في أعمارنا

الله يسهل علي وأاوصل لكم اللي في نفسي:44:

ويسهل على كل مسلمة (جاااادة ومستوعبة)

الإستفادة0

أنا على يقين أن الذكرى تنفع المؤمنين وأن العاقل

من أتعظ بغيره،لذلك كانت هذه اللفته الله ينفع بها

00
خواتي إنكسر خاطري ووالله إني ماتعيدت زين من

حر قلبي على كل مسكينة حملت نفسها مالا

تطيق أمام الله عشان هالدنيا وكلنا إلا من رحم ربي

ضايعات وماراح يدفع الثمن إلا أنتي وماينفعك أحد

أياكان00

لا تكابرين وتقولين الحمد لله أنا أحسن من

غيري ؟؟!!


لاوالله كل من سمحت للحرام وتغاضت عنه في

بيتها ماهي بخير وهي المسؤؤلة00كل من تهاونت

مع عيالها وبناتها في كااااااااااااافة جوانب الحياة

هي المسؤؤلة0

لاتدورين مبررات لنومهم وتركهم للصلاة00لاتدورون

مبررات لمتابعتهم للقنوات الماصخة وجهلهم بالدين

خواتي أصحوا لأعماركم وين حنا عايشين فيه00

وش هالإستهانه بالله عزوجل وهو المنعم الرحمن

الذي فضلنا وأنعم علينا بالإسلام، وش هالإنسلاخ

وقلةالحيا؟؟!!

ويييييييييين عقولكم بزارين يغيرون قيمكم

ويمشونكم على هواهم0

اللبس العاري والتفصخ اللي رضيتيه لبنتك تحملين

وزره كاااامل أمام الله بلا مبررات00

الغيبةوالغيرة والحسد اللي ملا قلوب البنات خلا

الوحدة نظراتها تقل نظرات عجوز ماتخاف الله00

وصارن قنابل موقوتة على خلقه وكبرن قلبك على

اهلك واهلهم وحريم أخوانهن واللي ما يعجبهن؟؟!!

وهن تو مافركن الأرض وعلى لا شي00للاسف

انتي المسؤؤلة0

الرفالة والربادة اللي صايرة موضةولا فخر؟!! أنتي

المسؤؤلة0

الكذب وطقت الحلف بالساهل والكيييد وقطيعة

الرحم والتبرج بالأسواااااق00الله يرحم حالك بعد

أنتي المسؤؤلة0

لا تكابرين وتقولين ليش أنا المسؤؤلة؟!!

أنتي أمهم أنتي المدرسة اللي تخرجوا منها 00

وش ربيتيهم عليه ؟!!وش غرستي فيهم ؟!!

الموووت فجأة ومصيرك بتواجهينه لحاااالك!!!وش

تركتيهم عليه؟؟!!

لا ترددين كلام المسلسلات وتقولين الزمن تغييير

لا تضحكين على نفسك ،إذا كان تغيير فهو

للأحسن والأسهل بفضل الله عزوجل00

المشكلة الآن مهو باللي مابيده شي وماهي

راضيةالله يفرج لها

المشكلة باللي مكبرة المخدة وقاعدة تتفرج على

خيبت التعب الله لا يبتلي مسلمة بمووت الشعور

00

والطامة الكبرى للي تصفق لهم وتجاهر وتجرئ

الناس على الحرام الله يعافيها ولا يبلانا تحمل وزرها

ووزر كل من حثتهم المسكينة!!

قال عز وجل (( يريد الله أن يتوب عليكم ويريد الذين

يتبعون الشهوات أن تميلوا ميلا عظيما))

وقال عليه الصلاة والسلام (( المرأة راعية في بيت

زوجها ومسؤؤلة عن رعيتها ))

حبيبات قلبي00الشيطان والنفس الأمارة بالسؤ

مصورين الموضوع صعب ومتعب بل كثييير يقولون

ودنا نغير تربية عيالنا بس مستحيييل؟؟؟!!

ليه ياعمري مستحيل00الله سبحانه ماترك على

المسلمين سلطااان ،بل سهل الهداية والتغيير لكل

من أستشعر وعاااد وهو التواب الرحيم

سبحانه،ومن رحمته فينا أنه ماجعل للنفس راحة

ولا قرار فيما يغضب الله وهذا شعوووور كل مسلم

يقترف ذنب أو أخطأ في حق أو قصر في عبادة0

الراحة والسعادة والإستقرار في رضا الله وطاعته00

ليش تكاثرين على نفسك السعادة في الدنيا والفوز

بالأخرة،أستعيني بالله أصدقي مع نفسك

وأستوعبي إن الحياة دااار عمل لحياة أبديةوأن

عيالك وزوجك شي ومصيرك عند الله شي ثاااني00

بري ذمتك وفكي نفسك الآن مادمتي عل قييييد

الحياة0

لا تدخلين بحياة أحد00لا تشمتين بحد أو تنتقدين

لا تذلين أحد أو تهينيينه مهما كان، فكي خلق الله

من شر نفسك ورددي دائما ( اللهم ألهمني رشدي

واكفني شر نفسي)

زوجك لو يجيب الدنيا لأهله لا تجرأين عليه وتعتبرينه

ملكك00اللي يجيبه لهم لهم

واللي يطلع من نفسك لا تمنييين فيه،وخصوصياتهم

لا تبحثين وراااها00وتأكدي لوكنتي معاملة زوجك

كما لوكان مقطوع من شجرة ومنتي معترفةبحق

اهله بعيالك تأكدي وثقي تماااام الثقةإن بتشوفييين

نفس السلوووك في بيتك بالضبط00

مثل مانتي فرحانه و تحمدين ربك على لمة أخوانك

لا تحرميين أهل زوجك من هالشعوووور مهما

كانواسيئيين هذا ولدهم و ربي بيرزقك على نيتك0

مرة أخوك خليها بحااالها وين رااحت وش لبست

مالك دخل00حتى لو كان كاف يده عن أهلك الله

اللي يحاسبه بنت الناس مالها دخل0

وإذا كان أخوك حبيب ويعطيكم مهو تستغلينه

ماعليك من اللي وراااه لو كان مدجج بيييته؟؟!!

اتقي الله وفكي نفسك00

والله الذي لا إله إلا هو إني لو ماجربت وتألمت من

وقوع مثل هالأمووور وغفلة الكثيييرات ماكتبت00

ياخواااتي000الحرااااام حراااام مهما تهافت عليه

الناس والموت مصييير مهما تناساه الناااس

وماحدنافع أحد00

ساعدي نفسك بالأستغفار والذكر وقرأة القرآن00

تجنبي الإجتماعات اللي تموت القلب وتبعد عن الله

00

رددي داااائما لا حول ولاقوة إلا بالله وصلي على

النبي الكريم، تصدقي و تفقدي عمرك سامحي

أهدي واصلي أرحامك00أحسني الظن وتغافلي


توكلي على الله وأطلبيه طلب وألحي عليه أن

يكفيك شر نفسك والشيطان وشر الدنيا ويحييك

حياة طيبة ويرضى عليك ويزيدك من حسنات الدنيا

والأخرة00أدعي لنفسك ولمن تعرفين وسااعدي

نفسك قال تعالى (( إن الله لا يغير ما بقوم حتى

يغيروا ما بأنفسهم ))0

الله يثبتني وياكم ويجمعنا على الخييير والطاعة0

*سبحانك اللهم وبحمدك أشهد أن لا إله إلا أنت

أستغفرك وأتوب إليك*