تدرين شالسبب !

الأم
وكيفية تربية هالولد

في امهات واهل يزرعوا في الولد الانانية بدون مايشعرون


عندي بجماعتنا نماذج كثير بس اهم نموذجين

وحدة عندها 7 بنات وولد هو جاي في النص

ماأبالغ لو قلت طول عمرها مدلله البنات اكثر من الولد بشكل كبير ودايم على لسانها من لما كان طفل شف اختك فلانه وينها

روح جب لأختك فلانه من البقالة مشتهية ايسكريم واذا تضجر تقعد تقوله اذا انت مانتبهت لخواتك من ينتبهلهم الغريب

ومو مدلعته ابدا وبنفس الوقت مو قاسية عليه ولاتعرف مدة اليد والضرب ولاتسمح لهم يتضاربو ابدا من لما كانو اطفال تربيتهم كانت مميزة رغم شقاوة اطفال جماعتهم كانت معاملتها معاه كأنو عندها عشر أولاد مع انو وحيدها و اغلى من روحها عليها ...

المهم ماشاءالله كلهم متزوجين البنات والولد وساكن فوق أمه وشرى لوحدة من خواته حالتها هي وزوجها ضعيفة بيت بجنب أمه
ورفض يتزوج الا لما زوج كل البنات ووفقه ربي بزوجه شايله امه فوق راسها مادري من اسلوبه هو او طيب فيها...

خواته مايحتاجون حق احد بعد الله يعني لو في وحدة زوجها مقصر معاها عوض هو هالتقصير ومايرضى الا انهم يولدوا بأحسن المستشفيات وماتحلاله الجمعة الا معاهم كل مارحنا للبحر مشاءالله شفناهم مع بعض متجمعين .....

والنموذج الثاني وحدة عندها بنتين و8 اولاد مثل قلتهم خواتهم طول عمرهم شغالات عندهم وياويلهم من امهم اذا تكلمت وحدة فيهم

كل شي عليهم ممنوع اخوكم مايرضى واخوكم فلان بيهاوشكم وبعلم اخوكم فلان وبالاخير

كل شي كان ممنوع على خواتهم محلل على زوجاتهم الواحد فيهم قبل الزواج مايرضى اذا سوا عزومة انه يجيبها من مطعم

لازم امه وخواته يطبخونها والحين كل عزوماتهم مطاعم وشغالات ماليات بيوتهم ويجون امهم بالشهر مرة مرتين لا ومنفسين بعد

ومالهم دخل بخواتهم ومايدرون عنهم هم سعيدات تعيسات ميتات حيات .....

الأم هي أساس البيت


واسفة الرد طويل صار موضوع مو رد ههههههههه

اغلب اللي ينكتب في المواقع مجاملات ومدح واعرف بنات تمدح في اخوها والعكس وهو ياما ذوقها الويل
لا تحكمي من خلالها فيه ناس تبي تحسسك انها حياتها مثاليه وسعيده وهم لا


بالنسبه لاخوانك شوفي اهتمامات كل واحد فيهم وسولفي معاه فيها لو من باب الاستفسار
مثلا احد اخواني متعصب للكوره الله يهديه ومايتحمس للسوالف الا فيها فمثلا ابدأ معه صحيح اللاعب الفلاني بيتعاقدون معه وتشوفينه لا اراديا يرد ويتكلم ، بعدها بمده طويله حتتوسع دائره النقاشات وتوصل لسوالف وضحك وممكن يتكلم معك في شي انتي تحبيه وتكسبينه كصديق

مساكين نحنا يالبنات ندور الحب والحنان والاحترام
بسسس الله يعوضنا بالازواج الصالحين الحنونين يااارب

انصحك لاتعلقين نفسك بسسس ادعي ربي يسخر اخواته لك ويخطبونك ياااارب وتجين تبشرينااا حبيبتي
الله يوفقك