امبراتريث :

انشاء الله بنحضر للعيد الجاي وفلسطين بالف خير عنا الاولاد بتبدا عطلتهم المدرسية قبل العيد باسبوع عطلة راس السنه قبل الاولاد ما يعطلوا بيوم راح اوخد لولاد صفهم حلو وهدية للصف لانهم اسبان والمدرسة ما فيها الا ثلاث طلاب مسلمين هذه العادة متبعتها واعتقد في ناس غيري بعملوها من ما كانوا ولادي بالروضة بنفس المدرسة وللمعلمات كمان بحليهم ولما بلشوا تمهيدي بلشت انسق مع المعلمات وادخل للصف واشرح سبب احتفالنا وخاصة شهر رمضان مهم كثير لانه في الغرب بفكروه شهر جوع بطريقة بسيطة بشرح الهم فوائد واهداف وعادات المحبة والتعاطف والوحدة اللي بنقف فيها شهر في السنه مع انفسنا وبنصلح اخطاء كثيرة وبنشعر بقيمة نعم الله علينا بهاي الطريقة اولادي بنشاوا رافعين راسهم انهم مسلمين وبتعودوا يدافعوا عن ديننا بكل ثقة نفس وواقعية وزملاءهم بتعلموا احترام دينا وتقاليدنا ابني الصغير السنه لما شرحت له عن رمضان وقلت له الناس بتزعلش مع بعض والشياطين بتتخبى انحلت عقدته وراح ركاض على الحمام ورجع وقال لي شايفة اني رحت عالحمام لحالي لانها الشياطين مش موجودة قبل هذا الموقف كان اله فترة بخاف يكون لوحه طولت الشرح يوم العيد الصبح انشا الله رايحين على المسجد المركز الثقافي الاسلامي في مدريد وعنا اواعي جداد بنلبسها اه وبعدين بنروح وبنتغدي ونعطي اولادنا العاب وهدايا عشان ميفكروش انه سانتاكلاوس احسن منا:30: الصراحة يوم العيد ما بصدق وهو يخلص لاني بكون مشتاقة اسمع تكبيرات العيد لكن من سنييين ما سمعتها:26: :26:

انشاء الله بنحضر للعيد الجاي وفلسطين بالف خير عنا الاولاد بتبدا عطلتهم المدرسية قبل العيد...

امبراتريث :

سهل يدخلوا عرب ال48 عالخليل؟

سهل يدخلوا عرب ال48 عالخليل؟

زهرة الفراشة :

في اول الانتفاضه ما كان مسموح انهم يدخلوا الضفه و إن دخلوا كانوا يدخلوا بتنسيق، حاليا رفع ولاد صهيون الحصانه عنهم بما انهم بيعتبروهم مواطنين اسرائيليين و بحافظوا على حياتهم، رفعوا هذه الحصانه و حكولهم بتحبوا تدخلوا الضفه ادخلوها على مسؤوليتكم الخاصه و احنا مش مسؤولين عن سلامتكم لو صار طخ أو قصف في المنطقه اللي انتو فيها،،

في اول الانتفاضه ما كان مسموح انهم يدخلوا الضفه و إن دخلوا كانوا يدخلوا بتنسيق، حاليا رفع ولاد...