هلا نوني

تعرفي بابا ضل يقلي عروس لصرلي 5 سنين متزوجة

هلا مهى ويوفقك يارب

مباح عملت فاصوليا خضرا

واليوم فاصوليا بيضا هههههههه


والله احترت وفلست

من كتر التفكير

شو اطبخ شو اطبخ

ما لقيت قدامي غير الفاصوليا البيضا

السلام عليكم،
فلسطين>>> تعرفي انا كمان بيوقف مخي
امبارح لقيت سبانخ مجمدة زي الملوخية مجمدة، قريت وصفة بتنعمل مع الجلاش سبانخ وجبنة كتيييييييييييييييييييييييييييييييير بحب السبانخ، وبدي ازيدله السماق عشان يعطي شوية حموضة
بنات بتعرفو الخبيزة؟؟؟
حدن فيكم بيطبخها؟؟وكيف؟؟؟

أنا عملت لحمة غنم يمكن فخدة او تنتين كمية كبيرة وسلقتها بس بشوية مي مش كتير وكترت بصل وبهارات وحطيت على مية السلق ( جرييفي باودر ) مش عارفة بالعربي شو هو بس هو بودرة بتخلي الشي السائل متل الجريفي اللي بيطلع من شوي الستيك أو الدجاج يعني والله ما بعرف الرديف العربي للكلمة بس بيصير تخين بيتغمس غماس.

وقلت لزوجي كل الكيلو ونص كله ولا تخلي شي لنو بكرة في لازانيا .

انا عني باكل بالشغل او مطاعم اكتر مش عارفة اتخلص من عقدتي .

ولكن لهالدرجة الطبخة بتحير ؟؟؟
ملوخية
سبانخ
صينية كفتة
داوود باشا
مقلوبة
ادان الشايب
خضار مع دجاج
ستيك لحم
ستيك دجاج
دجاجة محشية
باستا في 5 انواع رئيسية عالأقل
ستروجانوف مع شوية فطر وبندورة بيبي وذرة بيبي .

انا ما بحتار بفتح التلاجة والفريزر وبطبخ الموجود لحد ما يخلص.
ومشغولة علشان يمكن انقل لبيت تاني جديد وما بدي اكوم ماكولات لأنو احتمال ارحل خلال اسبوعين .

عشان هيك بفكر ابيع الثاث او اشتري ؟؟ لنو اجرة النقل مش ألف ولا اتنين يمكن 3 آلاف .
طيب غرفة النوم كلها على بعضها من 5 سنين الف درهم يعني اتركها ارخص لي واطلب وحدة جديدة وسراير الولاد كمان .
لنو الغرف فيها خزاين فالثاث عبارة عن السراير وغرفة الضيوف هو الكبير والباقي مطبخ وملابس والعاب وبس.