noni103
•
السلام عليكم،
حبيت اطل واشوف مين موجود؟؟ قبل ما يصحى المسعد ويبدا موال السهرة
كيفكم كلكم وشكرا للي دعولي وحبيت اقولكم اني مانسيت حد من الدعاء>>>بحكي لزوجي سبحان الله مانسيت حد والحمدلله من الدعاء بيقولي مو منك من الخوف الي اجاكي>>> لساته بيعيب مفكرها سهلة والله عن جد الوحدة بتكون بين الموت والحياة
حبيت اطل واشوف مين موجود؟؟ قبل ما يصحى المسعد ويبدا موال السهرة
كيفكم كلكم وشكرا للي دعولي وحبيت اقولكم اني مانسيت حد من الدعاء>>>بحكي لزوجي سبحان الله مانسيت حد والحمدلله من الدعاء بيقولي مو منك من الخوف الي اجاكي>>> لساته بيعيب مفكرها سهلة والله عن جد الوحدة بتكون بين الموت والحياة
الصفحة الأخيرة
ترى كل وحدة منا بتكتب جردية و ما بتقصر كل يوم ...
المهم ... نبلش بالموضوع الأول ...
أول شغلة حكيتها هو إنه الله يكون في عون الأمهات أديش بعانوا ... و كتير من الأحيان ما بشكوا ...
من البلاوي الي كنا نجنن ماما فيها هي عادة الخربشة على الحيطان !!! يا عيني , كنا نسوي حيطان البيت و سور البيت بالأخص لوحة فنية ! طبعا ماما كانت تزعل و تبهدلنا , بس طبعا الطفل لازم يسوي الي في باله ... خصوصا في أول أيام بتعرف فيها على الكتابة و القراءة , ما بصدق حاله , بصير يخربش من جنب و طرف ... ما بعرف في المستقبل الباهر الي بنتظره ... رح يزهق فيها كل شي إسمه كتب
كمان بالنسبة إلي كنت أحب الحليب كتير , حتى لما كبرت شوي و دخلت الروضة و التمهيدي , فكان لا بد من إني آخد معي البيبرونة على المدرسة و أطلعها و أشربها بالفرصة !!! ماما كانت تنجن مني , لأنه حلي أكبر .. و وين وين لحد ما تركت هالشغلة ...
بس كمان كنت ألاحظ إنه مامتي كانت تبالغ شوي في متابعة علاماتنا المدرسية ... يعني كنت الاحظ إنها تزعل إزا واحد منا نقص علامة وحدة من علاماته ! ... يمكن هي شغلة كويسة , بحيث طلعتنا عيلة مهندسين , بس كمان الطفل آخرته يتعلم حتى لو كان ينقصله علامة علامتين في الإمتحان
من إحدى نهفات الدراسة الي كنت أعملها أنا بالذات , مثلا أكون في البيت دارسة المادة و ما شاء الله علي ... أما في الإمتحان , مثلا بكون أحل في مسألة جمع للأعداد مكونة من 6 خانات لنفترض , و في الي بحل في , تيجي المس تحكيلنا زبطوا الشغلة الفلانية في الورقة , أو مثلا بنت تنادي المس عشان تسألها سؤال , ألتهي معهم , و لما أرجع أحل , أنسى وين كنت بالضبط , و أبلش أجمع من مكان ما إله علاقة بالمكان الأول ... كانت مشكلة فعلا عانت ماما منها كتير ...
بالإضافة إلى بعض مشاكل الخوف الي كانت تنتابني لما كنت أقدم أي إمتحان ...
حاليا هادا الي متكزرته ... إزا في عندي شي تاني برد أكتب