بالنسبه لموضوع المقالب مع أمي،،،
كنت و أنا صغيره معروف عني إني وكالة رويتر، و كنت مصدر لتصدير الأخبار العاجله،، لو كان زمان في محطات لتوزيع الأخبار العاجله كان كنت أنا الزعيمه خخخخخخخخخ، بس على كبر انقلب الوضع كله،،،
المهم ما كان ينحط في تمي فوله زي ما بقولوا و كنت كتير احرجها مع ضيوفها أو اشوف شي و تكون امي ما بدها تحكي عنه فأنا على طول يكون عندي خبر عاجل،،،
بالنسبه لخربشة الحيطان هذه كانت ممنوعه لفترة من الوقت عنا و كانوا على طول إن شافوا وسخه بسيطه على طول ناكل اللي فيه النصيب من الضرب،بس بعديها يا ما ملينا الحيطان خربشات و مواعيد امتحاناتنا و متى سيأتي يوم اللي بكون فيه الامتحان الاخير
هلأ في مره بذكر على أيام رمضان في عز الحر، كنا نشتري بوظه و أنا مره صحيت من النوم بكير كتير و كنت ممكن عمري 7 او 8 سنين و كنت اصوم نص يوم، المهم قمت و فتحت الثلاجه و شفت حبة البوظه، بس كيف بدي آكلها، المهم رحت على الحمام و اكلتها فيه و اخفيت آثار الجريمه، هلأ تم اكتشاف فقدان حبة البوظه و تم فتح تحقيق واسع في الموضوع و لما اجى دوري انكرت و حلفت اني ما صبتها و ما بعرف عنها شي، حبة البوظه كانت لأمي و كنا نشتري بوظه ملونه و شكلها حلو كتير، الظاهر ما قدرت اقاوم المنظر،،،
المهم بالنهايه اكتشفوا انه انا بس كيف ، لساتني ما بعرف ، لأنه لحد هلأ كل ما يذكروني بالقصه بنكرها،،،
بس اكثر شي كنت اكرهه لما كانت تيجي على المدرسه و تسأل عني و كنت لما اعرف مرات انها بدها تيجي اروح على البيت بدري بحجة اني مريضه و بدي اروح على مدرسة ابوي حتى ياخدني على الطبيب، بس مرات كانت تعملي كبسات فجائيه و يبلشوا المعلمات يحكوا شغلات رهيبه عني اهمها انهم عمرهم ما سمعوا صوتي في الصف و عاقله و هاديه كتير، و علاماتي في الانجليزي عاليه و في الرياضيات فضايح، و أهم شي لما كانت تسألني اخدتوا امتحانات احكيلها لأ و وقت الامتحانات الشهريه و الفصليه تسألني كيف عملتي احكيلها كله منيح و كله جاوبت عليه و يا الله شو سهل، المهم لما تيجي الشهاده يبين كل المستخبي،،،
و بذكر اني عملت كتير شغلات انتقمت منها من خواتي و ما بينتها و لا اعترفت فيها،،،

هلأ بالنسبه لوسائل العنايه بالبشره،،،
انا من طبيعتي ما بحط مكياج سواء داخل او خارج البيت و حتى في المناسبات، ما بحبه،،،
بس بالنسبه لوسائل العنايه بالبشره عندي و لما يكون في مزاج اعتني ببشرتي شوفوا شو بعمل،،
كل وحده تجيب ورقه و قلم و تسجل لأني بحكي شي مهم و ما رح أعيده تاني خخخخخخخخ
التونيك او منظف البشره عندي فكركم شو هو؟؟
ماء ورد مع جلسرين و ليمون بنظف فيه بشرتي و احسن من مليون منظف بشره، حتى بعد الشاور بستخدم هذا الخليط و بعد ما اشيل شعر وجهي،،،
مقشر الوجه عندي عباره عن رز مطحون و برش ليمونه مع صابون نابلسي، احلى مقشر للوجه،،،
من الخلطات اللي بحطها على الوجه حتى يرتاح و ياخد رونق:
لبن رايب مع نعنع ناشف و بحطه على وجهي فتره من الوقت
بابونج و حمام البخار لوجهي هو بابونج، نعنع ،ورد و بغليهم مع بعض و ببخر فيهم وجهي،،،
هذا كله حسب مزاجي و لما ما يكون عندي مزاج ما بعمل شي، بس لساتني بحط خلطة ماء الورد للتنظيف و بعد شيل شعر وجهي و في الصيف لما ارجع و تكون الدنيا حر كتير،،،
كمان بعد شيل شعري بستخدم منتجات زين الاتات اللي هو عباره عن مانع انبات الشعر،،،
و اذا بدكم وصفات تانيه للبشره احكولي حتى احكيلكم عنها،،،

سلام عليكم

مشالله شغالات بالمواضيع

والله مش عارفه من وين ابدا ؟

نفسيتي اليوم كما ن داااااااااون

انا باختصار بجوز من سنه ما حطيت شي على بشرتي من الاشيا الطبيعيه

بستخدم من تقريبا 8 شهور كريم مرطب من غيرلاند

وبس ما بحط شي تاني

لانه مافي وقت عندي ولا مجال احط شي

وبشرتي مختلطه

بتطلعلي حبوب بسيطه ابل الدورة وهاد شي عادي بتروح بعدها عطول

لكن عندي شوي زيوان اسود كيف بتشيلو يا بنات ؟؟

عند الانف

بحاول اعمل بخار واشيلة وبس


عطونا حلولكم

مالك يا فلسطين؟؟
شو اللي مخليكي محبطه هيك؟؟