انا رايحه اسشوير شعري وبرجعلكم ,,

لمين بحكي فش حدا غيري لوووووول :hahaha:

ثانك يو نورا على مناقشة الموضوع،،،
و العصفوره اللي حكتلي انك حلوه:)

يلا تصبحون على خير،،،

السلام عليكم ورحمة الله..

كيفكم يا حلوات.. وييييييييييييييييييييييين ملفنا..!!

ما لقيته لحد ما رجعت لآخر مشاركة إلي..!!

بالنسبة لموضوع زهورة.. حلو كتير ..

أنا من تجربتي ب3 دول بوطننا العربي اللي هم الأردن و سوريا والسعودية بشوف هادا الموضوع بيختلف بالنسبة للبلد اللي إحنا فيها.. مثلا:

بالسعودية عشت عمري كله أيام طفولتي لحد الثانوي.. ما شفت ولد صغير بشتغل لا بمطعم ولا بورشة ولا بمنجرة ولا بمحل بيع حتى!! باستثناء حالات نااااااااااااادرة..

هون أصغر واحد ممكن تشوفيه بشتغل بيكون مخلص ثانوي (قليل أصلا بشتغلو حتى هدول)
طبعا مش زيادة وعي ولا كترة خير(غنى)
الموضوع موضوع ثقافة مجتمع.. هون متعودين على الراحة والشغل إما بكون محرز وإلا عيب..!

لما نزلت عالأردن .. لقيت الأولاد من سن 6-7 سنين بشتغلو.. مش بس بالصيف.. كتير ناس تاركة مدارسها وبتشتغل..!هادا السن بشوفه غلط جدا للشغل.. وحقوق الطفل( إحم إحم..) بتمنع عمالة الأطفال اللي أقل من 18 سنة .. اللي هو سن الدراسة الأساسية.. وأنا بأيد هالكلام وبشدة.. بغض النظر عن الشغل بإجازات الصيف.. في الصيف بعتبره مشروع ومفيد كمان بإضافة شئ لشخصية الطفل خاصة الولد.. وبيأهله لتحمل المسؤولية والإحساس بقيمة التعب للحصول على الأجر.. بكل مجالات حياته..بس برضو بالصيف مش قبل الصف الثامن أو حتى التاسع..

بسوريا..
شفت الموضوع من وجهة نظر عايشتها.. اللي هم خوالي وأولادهم وأقاربهم وعائلاتهم الممتدة وجيرانهم.. عايشين في حلب بحي شعبي..
عندهم الصنعة بإيد الشب أحسن من شهادة الدكتوراة...!

واللي مش نافع بالمدرسة .. لأيش يكمل عمره فيها ويضل لحد ما يعلق بشبكة البكالوريا( التوجيهي) وما يطلع منها.. ويكون ضيع عمره عالفاضي!!

طبعا هادا الوضع قلتلكم وين شفته(حي شعبي).. يعني مش تعميم على البلد.. بس شئ موجود.. وعندهم الولد من 6 سنين بروح عالورشة وبشتغل وبتبهدل وبصحى عالفجر وبروح هلكان عال8 بالليل..وممكن يعيش تايموت بهالورشة .. وغيره بيعيش وبيموت.. وما بفوت ورشة ببعت سيارته مع شوفير.. ما بوسخ ايده يسلم على ميكانيكي!!

المهم..
الملخص..
الزبدة..

الموضوع مادام غير محكوم بقوانين وعقوبات عالناضجين.. بيضل غير خاضع لآراءنا كمجتمع.. يعني عجبنا أو ما عجبنا.. اللي بصير حيضل يصير..
وثقافات مجتمعاتنا من هاي الناحية لازم تتغير.. فلا الشغل كله منيح.. ولا مشروع.. ولا عدم الشغل والتنبلة منيحة.. وثقافة العيب.. مصيبة عظمى..

هادا اللي قدرت أعبر عنه وباختصار لأنه الموضوع واسع وبستاهل ملف يتناقش فيه مش موضوع!!

شكرا يا زهورة.. نفست شوي من المشاعر اللي عندي بخصوص هالموضوع..

سلام

أتؤوتة ... لا تعيديها.. يا بتتحجبي يا بتزبطي شعرك ولا بتاكلي حكي على قد شعر راسك!!

فلسطينو.. ما عليها شر شهودة.. وجربي الفيكس متل ما قلتلك.. إدهني أراضي رجليها ولبسيها جرابات تنام فيهم بدوب البلغم وبتخف السعلة..

باقي الصبايا يسعد أوقاتكم.. ويجعل أيامكم كلها خير وبركة..

سلام