فلسطين حرة :

نيجي لاخباري انا طبخت مجدرة وفوقها هالبصل المقلي المئحمششششش واللبن والسلطة واتغدينا ولبسنا ورحنا على ايكيا تفرجنا شوي عالمعروضات لانه عاملين سيل في بضاعه عجبتني قلت الاسبوع الجاي بجيبها عجبوني طبربويرات لترويبت اللبن والسلطات للرحلات وهيك قلت بجيبهن على خير الاسبوع القادم وبعد ما خلصنا مسكتني حاله غريبة يا بنات بعرفش بتصير معكو ولا لا انحرجت منها وهي ملابسي صابتها حاله من الكهربا الساكنه ولزق الجلباب فيني وهو شااااامواه وحالتي حاله بحكي لزوجي مش عرفه امشي ولا اتحرك حاسه الناس بتتفرج علي وبتقول شو هالمرا كيف ماشية هيك وملابسها ملزقة علما انه هالشغله ما بتصير لي كتير نااااااادرة مرة بالسنه اليوم حبكت صارت معي بعد ما خلصنا من ايكيا رحنا عالبحر شوي تمشينا وحاولت امشي مشي رياضه رحت شفت اخت زوجي بالممشى وقفنا نسولف ربع سيعه وبعدين قلتلها يلا سلام عليكم مسكت الموبايل قعدت اصور شهودة عالبحر صورتها صورة بتجنن ببقى انزلكم ياها وشفت باخرة كبيرة كانت ماره انبسطت على شكلها بس ما صورتها وبعدين روحنا تقرسيبا مشوارنا 4 ساعات ونص بس غيرت جو علما اني ما مشيت مشي بضمير يعني حسيت اني ما خسرت اي شي من وزني :(

نيجي لاخباري انا طبخت مجدرة وفوقها هالبصل المقلي المئحمششششش واللبن والسلطة واتغدينا...

زهرة الفراشة :

صحتين على قلوبكم جميعا،،، بالنسبه للكهربا الساكنه هذه بتصير معي كتير بس كيف يا حزركم؟؟ بس افتح باب السياره بصير الطش كهربا و مره جيت اعطي الشفير الأجره قمت لطشته بكهربتي :42: هو صار يضحك على الموقف هذا،،، كمان بتصير في شعري و كنت لما آجي احط ايشاربي ما يرضى الدبوس يسكر و يضل شعري هائج مائج و يضل نازل من تحت الايشارب بطريقه مرعبه:22: و في سنه من السنين صارت معي كل ما بمسك شي فيه معدن تصير معي كهربا و وقتها نزلت الأردن و رحت لبيت خالي و بعد ما شافوا هالشوفه فحصوا سلوك بيتهم خوف ما يكون فيها شي،، و لما كان ابن خالي وقتها صغير جيت امشط شعره إلا انا بلطشه كهربا :hahaha: المهم هي بتيجي هلأ بين الفتره و التانيه بس لما اركب في سياره،،

صحتين على قلوبكم جميعا،،، بالنسبه للكهربا الساكنه هذه بتصير معي كتير بس كيف يا حزركم؟؟ بس...

زهرة الفراشة :

اليوم اعز اصدقائي ،،، كان هناك صديقان يمشيان في الصحراء ، خلال الرحلة تجادل الصديقان فضرب أحدهما الآخر على وجهه. الرجل الذي انضرب على وجهه تألم و لكنه دون أن ينطق بكلمة واحدة كتب على الرمال : اليوم أعز أصدقائي ضربني على وجهي . استمر الصديقان في مشيهما إلى إلى أن وجدوا واحة فقررا أن يستحما. الرجل الذي انضرب على وجهه علقت قدمه في الرمال المتحركة و بدأ في الغرق، و لكن صديقة أمسكه وأنقذه من الغرق. و بعد ان نجا الصديق من الموت قام و كتب على قطعة من الصخر اليوم أعز أصدقائي أنقذ حياتي الصديق الذي ضرب صديقه و أنقده من الموت سأله : لماذا في المرة الأولى عندما ضربتك كتبت على الرمال و الآن عندما أنقذتك كتبت على الصخرة ؟ فأجاب صديقه : عندما يؤذينا أحد علينا ان نكتب ما فعله على الرمال حيث رياح التسامح يمكن لها أن تمحيها ، و لكن عندما يصنع أحد معنا معروفاً فعلينا ان نكتب ما فعل معنا على الصخر حيث لا يوجد أي نوع من الرياح يمكن أن يمحيها.

اليوم اعز اصدقائي ،،، كان هناك صديقان يمشيان في الصحراء ، خلال الرحلة تجادل الصديقان فضرب...