رحت مبارح بليل اخدت اولادي عند امي عشان الصبح انا وزوجي نطلع بكير عالمستشفى

وابو الشباب عزم بليل نطلع نشرب شغله بمطعم واختكم طار الريجيم تبعها لانه انفتحت منافسي عالعصير والبوظة طلبلي عصير معه بوظه اسمه الصمدي وعليه فواكهه ومانجا اااخ يما فتحت منافسي عليه تاني المهم
شربنا العصير البارد بعز البرد ايس كريم بجليم
وروحنا انا ويا بصراحه انبسطنا من غير شر الولاد مش معنا بس شهد وشهد لا حول ولا قوة قاعدة بتصابي عالرايح والجاي المهم تحدثنا كتير انا وياه ما حسينا شي قاطعنا بالسوالف مو متل لما يكونوا الولاد هديك ضحاوي اصابعها بتفوت بعيوني وهي بدها تحكي وامودي بنط عالطاولة ويا عيني على هيك مشوار رومانسي مع الولاد

المهم روحنا والصبح رحنا على المستشفى وانا بالسيارة ماشيه بكل زاوية لهالمستشفى تزكرت شي من سنه تقريبا هيك زي انه دمعت وحاولت اخفيها عن ابو محمد اطلع في هو من المرايا بقلي وقلي بصوت خاطف وغاضب لليش بتعيطيييييييي قلتلو وصرت اضحك ما بعيط قلي خلص روقي
المهم لما روحنا الدكتور ودخلنا صار يقلي انه البنت لسه تمها صغير ومش مكتمل نموه منيح وبده شوي وقت بس من ناحية الشفايف تمام لانه ما صار التصاقات بعد العمليه الاولى انا شوي هون روقت لانه بالبدايه كان كلامه كله يأس واحباط قلي ما تخافي ان شالله بعد 7 شهور رح اعمل العملية التانية لانه مش وقتها هلاء لانه كله رح يأثر على الفك بعدين هون رجعت هبطتت وكأنه بقلي هالحكي اول مرة مع انه من يوم ما عرفته لهالدكتور قلي هالكلام
رجعت ضاربة بوز كالعادة وزوجي بضحك وبمزح قلي هو عارف مصلحه البنت وما بدو نتسرع المهم فردت بوزي مرة تانية لانه عزمني عالفطور خخخخخخخخخخخ

فطرنا ورجعنا وحطيت راسي ونمت وصحيت عم بفكر شو اطبخ لانه هو صايم

شو رايكم ايش نطبخ :(

السلام عليكم ورحمة الله

صباح النور يا نورا..

فلسطينو..
أنا وياكي جنوناتنا بتطلع سوا..!من غير شر أنا نكدت عالويك اند اللي فات.. بس ربك الحمد لله هونها.. وعسيرة العزومة وتفانين زواجنا الله يهدي بالهم ويخليلنا اياهم :arb:
أنا مبارح بالليل عزمني أبو عصوم على طلعة إحزري متى.. الساعة 2 وجه الصبح .. قال شو تعالي نطلع عالكورنيش نشرب شغلة.. وما كذبت خبر.. نطيت بهالعباية وما شافني ولا عند الباب..رحنا وشربنا كوفي توفي.. بس طبعا الحارس الأمين(عصوم ) معنا .. هاض وين بدنا نفلته :) وعوجه الصبح..!

بنتك عن جد ربي يحميها اللي بشوفها بدون ما يكون عارف ما بيبين عليها شي مو طبيعي.. احمدي ربنا يا مرة وشوفي غيرها!!
ولا هسة بنط بكرشك اللي مغلبك.. تضليش منكدة على حالك.. ربنا بيسرها ان شاء الله وصدقيني ربنا أرحم منا فيهم.. واللي مكتوبلنا بدنا نشوفه.. والحمد لله على قضاء ربنا.

بالنسبة للطبايخ..

أنا صايمة بس زوجي لأ.. أنا فاجأته لأنو كنا ناويين عبكرة وبعده بس جاي عندي حماتي وجارتها الثلاثاء الصبح.. زيارة وبحبش أكون صايمة لما بيجيني ناس..

إذا عرفتي شو تطبخي قوليلي..:22:

خخخخخخخخخخخخخخخخخخ... قال بتسأل إعطوني رأي وتنحملت زناختي وبتقرأ المسكينة بلكي اقترحتلها اشي.. بالآخر بقلها بس تعرفي قوليلي..:hahaha:
عكل حال حبيت أناغشك عهالظهريات.. الله يهدي بالك ويهدينا أجمعين..

باقي الصبايا.. نورونا وزورونا.. بلاش أعبي الملف حكي وبربرة فاضية.. حدا يفتحلنا سيرة!!


:26:

تسلميليييييييي ام عصام والله هههههههه عسل

مش عارفة يمكن اعمل برياني :)

صحتين وعافية يا أم حمودي والله..

قال برياني وأوقف بالمطبخ نص نهار أشتغل وأنا صايمة..
هههههه تني أتعدل وأتعلمه.. بس بشوف أمي بتشتغل كتير يوم البرياني عشان هيك مو راضية أقرب عليه وأتعلمه!!

إذا بتوديلي صحن الله يخلف عليكي..((ما بتقصر أم محمد والله)) :)

أم محمد الغوطي سألتيني مبارح عن الكباب الأورفلي..





هاي طبخة تركية محتوياتها:

كفتة لحم(أو لحمة مفرومة مع بصل وبهارات بس)
بيتنجان بقشره مقطع حلقات
بصل مقطع دوائر( مش مفرغ)
بندورة مقطعة دوائر

الطريقة بتجيبي حلقة بيتنجان وبتعملي قرص لحمة وبتحطيه فوقها وبتحطي فوق اللحمة حلقة بصل وفوقها حلقة بندورة يعني اللحمة عجهة بيكون بيتنجانة وجهة بصلة.. ضروري عشان النكهة..

بعدين بس يصير عندك عمود رباعي من اللي صفيتيه فوق بعضه بتحطيهن نايمات بالصينية متل الصورة.. وبس تعبي الصينية بتجيبي كاسة ماء مغلي بتحطي فيها ملعقتين صلصة طماطم ومكعب ماجي وبتحطي ملعقة قرفة ناعمة وملعقة بهار مشكل واللي بحبو الأكل سبايسي ممكن تفرمي قرن فلفل حار وتحطيه مع اللحمة..
وبتصبي الكاسة بعد ما تذوبيها منيح عالصينية وممكن تضيفي بس نص كاسة ماء لأنه رح ينزل مي من اللحمة والخضار فبتكفي هاي الكمية وزيادة تقريبا لنص الصينية أو أقل..
بتغطيها بورق ألومينيوم وحطيها بالفرتن من تحت على 210 درجة شي نص ساعة.. بعدين شيلي الغطا وخليها تستوي مكشوفة بالفرن عشان تنشوي شوي وتتنشف المي لأنها بتكون غرقانة بالمي وقتها.. بدها بعدها شي 20 دقيقة على180 وبعدين اشوي الوجه وقدميها مع لبن أو سلطة لبن بخيار أو زبي ما بتحبي.. وصحتين وعافية

بعدين بكتبلك سلطة المعكرونة بدي أروح أغدي عصوم.. سلام