مساء الورد والفل كيفكم
مبارك علينا ملفنا الجديد وان شاء الله نلتقى على حب الخير والمودة
:icon28: :icon28:

مساء الخير
ما شاء الله الخيرات عم تعم علينا اللهم صلي على النبي
زهرة مبروك حبيبتي على الملف الجديد وتضلي دايما منورة
نونو باركت الك بالملف السابق بالفضية الف ميروك
فاتحة خير على الجميع ان شاء الله

زهرة حبيبتي ولا يهمك غالي والطلب رخيص
بالنسبة للكنافة هيه الصراحة احنا بنعملها بديل عن النابلسية بس مكوناتها مش حتخطر على بالك
المهم انا بحكي المكونات بس والله المقادير بالاحجام مش عارفة لاني بعملها تقديرا بايديه لكن ولا يهمك راح انشق الك المقادير وابعتها
المكونات خبز بيتا صغير مش طازه لازم بايت........وقطر ............. وقشطه بيتيه بتتحضر بالبيت ...........وسمنه طبعا
والقدره : لحمه اذا بدك دجاج ممكن رز ياسمين اصلي حمص مسلوق بصل محمر بالزيت دروس تومه
محمرة معاه مرقهدجاج او لحمه ماجي بهار قدره بها رز بهار لحمه حبهان قرفه عيدان ورق غار قرنفل حب عصفر ملح فلفل اسود قرن شطه حمرا
يا رب ما اكون نسيت اشي
هلا طريقة القدرة بتطبخي اللحمة او الدجاج وبتحطي عليها كل البهارات السابقة وبتحطيها على جنب
بتحمري شرائح بصل مع دروس تومه عليها طبقة رقيقة جدا من القشر علشان ما تذوب بالمرة في ناس بتحب نكهة التومة بس ما بتحب طعمها بالتم
والحمص طبعا مسلوق
في طنجرة الطبخ بتحطي زيت نباتي وبتحطي الرز وبتقلبيه ثواني بتضيفي البصل والتومة والحمص وبتقلبيه هلا بتغمري الرز بالمرقة وبس تغلي بتحطي الماجي وبتحركي وبعدين بتحطي من نفس البهارات السابقة على خليط الرز ولا تنسي الملح بس مش كتير لانوا الماجي عليه ملح والمرقة مملحة
علشان هيك حكيت الك اني بقدر تقدير بعرفش الكمية بعاير بالعين
المهم بس يبدا يغلى بتوطي الغاز عالهادي لحد ما ينضج وبعد ما ينضج بتحطي شوية سمنة على الوجه اذا بدك بس كتير ريحتها طيبة السمنة خصوصا البلدي وبعدين السمنة اذا الرز مثلا مش مستوي وفيه عقده بيمتص السمنة وبتمشي الامور
اخ يازهرة فتحتي نفسي على الاكل حاسه حالي جعت
وصحتين وعافيه اي شيئ انا جاهزة

مساء الخير على احلى بنات
انا اليوم نفسيتي تعبانه كتير والله من اللي بيصير في غزة
الله يهدي الجميع ويهدي البال امين يارب دعواتكم يا حبيبات
وربنا يبعد عنكم شر الفتن ما ظهر منها وما بطن
بتعرفي يازهرة بسؤالك حسيت حالي شوية طلعت من الحالة يعني نعنشت شوي
تسلمي حبيبتي
تصبحن على خير

السلام عليكم ورحمة الله وبركاته
اخواتي العزيزات
بسألكم سؤال آسفه ان كان محرج نوعا ما
ولكن اعذروني
واللي تقدر تراسلني عالخاص
انا في منطقه فيها مدرسات وطالبات طالبين مني اجيب لهم بضائع من سوريا والاردن ولانها قريبه مني
مثل الروب الشتوي وكمان اللانجري اللي بالنكهات وباللمبه والنكهات الفسفوريه وبدل رقص
وشغلات موجوده عندكم مو عندنا
فياليت وحده تتكرم وماتتجاهلوا طلبي
واذا تقدروا تدلوني على اماكن التحف الله يعافيكم
انتظر ردكم مع جزيل الشكر