الله يشفيكي ياختي العين حق

لكن اذا شفتي شي اذكري الله قولي ماشالله تبارك الله
وترا على العيان ذنب اذا ضر احد لان بامكانه انه مايضر بقول ما شالله
وتكفين تكفين لاتعينيني

اعوذ بالله

الله يكفينا شر العيانة

انا كثير صارت معاي بس اذكر مرة سويت نوع من الحلاوة طعمه حلوو مرة هي حلاوة قديمة
بس الحمدلله ماشاءالله اتقنتها

ووديتها العمل معاي

اذكر وحدة كلت منها بتلذذ وقالت هذي هي الحلاوة ولا بلاش مترتبة مرة
ولا ذكرت الله

جيت بعد فترة بسيطة بسوي غيرها والله ما تضبط

وخسارة الاغراض اللي شريتها

صارت تتكتل وحالتها حالة

وجربتها بعد فترة مرة ثانية وثالثة وما ضبطت
وجات الاخت في الله على بالي اكيد من عينها

بعدين قمت وسويتها الحلاوة وانا اسويها واقرا وانفث على يدي
الين ما خلصت والحمدلله ضبطت الى اليوم وحرمت اودي شي معاي الدوام

الله يكفينا شر العين الحمرا

الله يشفيها ويعافيها

انا اصبت بعين لاتخاف الله

عشت سنين من عمري
وانا اتخبط

العين من عجوز من جماعتنا عاقر دخلت علي البيت وهي تذكرني وانا بنت ماتزوجت

لمادخلت علي فجأه جايه زياره مع امي شهقت (كنت حامل وعيالي صغار حولي )

يابنات مامر يومين الاتوفي المولود في بطني وباقي على ولادتي اسبوع توفي بدون سبب طبي

ولما ولدته كانت جهته اليمين كلها بقع على شكل عين

وبعدها جتني حاله من الخوف والتردد واهمال الصلاه لايعلم بها الا الله

ولكن ولله الحمد مع الايمان بالله والحفاظ على الصلاه والاذكار والرقيه
اختفت الاعراض
بس بعد هالحادثه ماحمل واجيب الا بمشقه ومرض ولاولد الا بعمليه مع اني جايبه قبل طبيعي لكن قبل الولاده امرض

واقعد مريضه لين يكمل طفلي سنه اواكثر والحمد لله على كل حال

هذيك العجوز مانسى شهقتها والمشكله انها عايشه بشمال المملكه بس جت الشرقيه زياره وزارت امي وسألت عني

سبحان الله وبعدها سافرت على طول !

لاحول ولاقوة الابالله