لقد رجعت بعد غياب خمسة أيام وعندي لكم مفاجأة

السلام عليكم ورحمة الله وبركاته ،،،
والله العظيم إنكم وحشتوني موت ، مشتاقة لكم ولسوالفكم الحلوة.
وأنا غبت الفترة اللي فاتت لأن حرارتي كانت مرتفعة وكنت أحس
إني تعبانة وايد والحمد الله على كل حال.
وأيضاً بدأ الوحام عندي والصراحة لايعة جبدي من كل شي .
وقبل ما أقول لكم على مفاجأتي على فكرة أنا وايد تفاجأت لما
رجعت اليوم وقريت المواضيع اللي فاتتني وعرفت إن عروس
الشرق حامل ماشاءالله تبارك الله ألف ألف مبروك يالغالية والله
إني فرحت لج وايد تستاهلين كل خير والفال لخواتنا الباقيات ،
وعلى فكرة ترى أنا بعد حامل في الأسبوع السادس وموعد ولادتي
22 مارس 2004 ، إنتي وين بتولدين يا عروس الشرق اتوقع في
مستشفى الوصل لأن أغلب أهل العين يولدون في الوصل؟؟؟؟

والحين بقول لكم على المفاجأة طبعاً كلكم تعرفون إنه كان عندي انسداد
في أنابيب قناة فالوب الجهة اليمين وطبعاً الدكتورة قالت لي إن ممكن أحمل
من الجهة اليسار وطبعاً الشهر اللي فات اكتشفت إني حامل والدكتورة
وهي تفحصني قالت لي كيس الحمل موجود على اليمين معناته البويضة
اللي تلقحت هي اللي من اليمين واستغربت جداً لأن قناة فالوب اليمين عندي
مسدودة ولكن بما إني عملت أشعة الصبغة فأكيد إن الأشعة هاذي هي اللي
فتحت الإنسداد علشان جذي أنصح البنات اللي عندهم انسداد في قناة فالوب
يسوون الأشعة هاذي لأني حملت بعدها على طول وهي مؤلمة شوي ولكن
كله يهون علشان البيبي.

وهاذا اللي عندي يا بنات وسلامتكم،،،

أم عيـــــــــــــون فتــــــــــــانـــــــــــــة