canada2004 :

صحتين حبيبتي عالمشاوي و شكرا لرسالتك الله يجزيكي الخير و باذن الله رمضان الجاي يكون متحقق كل اللي نفسك فيه اما المشاوي فطلعت من نفسي من 3 سنين و جوزي يشتري عده الشوي و يجهز اموره و اخر اشي ياخذنا على مطعم عربي لحتى الويك اند اللي فات اجى بباله يطلعنا الساعه 4 العصر و لحتى حضرت الحمه و الجاج و قولي ذاب الثلج عنهن طلعنا الساعه 5:30 و ساعه تا استقر على مكان و ساعه و نص لحتى عرفنا نولع الفحم ثنيناتنا غشيمين و الا كل هالناس بتلملم اغراضها و هالسيارات وراء بعض مروحه تقولي فارده عرس و عتمت الدنيا و احنا بين الشجر و لا ضو و لا اشي و انا ارجف خوف و هذا جوزي تعالي شوفيهن ذوقيهن اقله اه اه استون و بايدي اشيل فيهن و مش حاسه انه انحرقن كل اصابعي و لا اكلت و لا اتهنيت و بالاخر هجم علينا قطيع راكووون و اصيح و اشيل جنى و انط على ظهر الطاوله و البنت تصيح العو اكل بابا و هو يشد و هنه يشدن باللحمه اخر اشي اجى الحارس و قال معكوا ربع ساعه و بروح و بعدها مش مسؤول شو بصير بالحديقه و شلنا اغراضنا و قلت يا فكيك و الا جوزي بقول هسع اجى عزهن الفحمات و قعد ينش على ضو السياره و انا تخبيت انا و البنت جواتها و توته توته هاي سولافه السنه سامحوني

صحتين حبيبتي عالمشاوي و شكرا لرسالتك الله يجزيكي الخير و باذن الله رمضان الجاي يكون متحقق كل...