سمرة و زي القمر
و إنتي بألف خير
و ينعاد عليكي كمان
:)

يومي ببلش بصلاة الصبح و بعدها بقرأ قرآن و بعدين بستعد أروح الشغل، بعد ما رجع من الشغل بصلي الظهر و بنام أو برتاح شوي و بعدين بقرأ قرآن و بعدها بساعد في تجهيز الفطور و بكون في هذا الوقت بذكر ببعض الأدعيه و بستغفر ربنا، بعد الفطور بصلي المغرب و بنجلي و بنشرب قهوة و بنقرأ قرآن، و في البعض منا بحبوا يتفرجوا على التلفزيون شوي و اللي بتفرجوا عليه بكون مسابقات دينيه أو مسلسل المرايا،،،
بعدها بنصلي العشا و التراويح و إذا كان في مجال بعدها نزور حد بنروح و إذا ما في مجال بنقعد نتسلى مع بعض أو إذا حد مشغول بشغله بيعملها أو انترنت و غيره، قبل النوم بنقرأ قرآن.
رمضان هذا ناويه إن شاء الله أصلي قيام الليل،،،
بالنسبه للعزايم ، الناس اللي بنعزمهم هو بيت أخوي و سيدي (والد أبوي) فقط، لما كانت ستي على قيد الحياه كنا نعزمها ، أما أهل أمي (أبوها و أمها) متوفيين من زمان، يعني ما في عنا عزايم و طبعا عنا أسبابنا لهيك موضوع، الناس بتعزمنا و اللي بلبي العزومه أمي و أبوي و اللي بحب فقط يعني ما في حد مجبر على شي، إلا عزومة بيت أخوي لازم نروح
القطايف ما بنجيبهم في رمضان إلا لما يكونوا بيت أخوي عنا أو نروح عندهم،،،

نورت يا زهووووووووووورة :)

أنا بحب أشوف شو نمط حياتكم برمضان , لأنه بتمنى أغير نمط حياتي بهالوأت بالذات ...
لأنه نمط عقيـــــــــــــم !

بس بلاحظ إنه في عادات سيئه كتير في رمضان مثل:
إنه المدخنين اللي بصوموا بكونوا عصبيين جدا خلال النهار و مش طايقين يكلموا حد، و وقت الفطور أول شي بيفطروا عليه هو السجائر!!!
إنه بتكتر المشاجرات و المشاحنات بين الناس و بيكثر السب و اللعن، يعني إن صاموا عن الأكل و الشرب ، جوارحهم بتكون مفطره، يعني سبهم و لعنهم ما بينفع لصيامهم
في ناس بتصوم بس لأنه الناس اللي حواليها صايمين مش لاقتناعهم بالصيام
يكثر الاسراف و البعزقه في رمضان، يعني المائده بكون عليها 100 صنف من الطعام و الشراب، و تاني يوم ما بيفطروا على اللي فضل من اليوم السابق، بتخلصوا منه و بيطبخوا شي جديد،،
في بعض البنات اللي بتكون معذوره و بدها تاكل شي بتاكلها علنا و ما بتحترم المحيطين فيها
شو بتشوفوا في عادات سيئة تمارس في رمضان؟؟

هلا نونو و بسمره زي القمر