السلام عليكم،
امونة - عنودة - فلسطين - نونو - دندون - زهورة - ام منى - ام محمد - مهى - نابلسية - دموعة - كندا - الي مش متذكرة اسمها تسامحني

مبروك علينا الملف
دندون>>>هيو وصلتني دعوة من غير رابط مازعلت؟؟؟
زهورة ماتزعلي

شكرا لكل الي دعالي والله يوفقكم يارب ويبعتلكم الي بتحبوه

خلينا نحكي كيف بنستقبل أول يوم رمضان،،،،
شو العادات المتبعة عندكم؟؟

بالنسبة لي،،،

بكون مبسوطه أول يوم من حيث إني غيرت نظام متبع، كنت آكل و أشرب بطلت، أول يوم بكون إلي إني بستغني عن شرب قهوة الصباح،،،
في شي جديد في حياتي و بهيىء نفسي لتغييرات كتيره، بنزل على دوامي كالمعتاد، بس بروح قبل بساعه و هذا أهم شي إنه الدوام بتقل ساعاته،،،
لما أرجع على البيت بصلي و برتاح و بعدها بقرأ قرآن، و بساعد في تجهيز الفطور،،،
كل رمضان لازم أول يوم يجوا بيت أخوي يفطروا عنا، أمي دايما بتحكيلهم أول يوم في رمضان لازم تكونوا معنا حتى اللمه تكون حلوة و الصغار ينبسطوا و يحسوا بجو رمضان، مع إنه في منهم بجننا في آخر ساعه و هم يسألوا ايمتا بدنا نفطر،،،

كنا زمان نستنى المسحراتي لما يعلنوا إنه ثبت رمضان حتى نشعر بالأجواء، بس في الانتفاضه راح المسحراتي بطلنا نسمع صوته، صار المسحراتي ناس تانيين، عندهم لغة الطخ و القصف.

بس تحكوا عن أجواء أول يوم، بنرجع بعدها نحكي عن رمضان بشكل عام و كيف بنقضي نهارنا ،،،الخ.

و أنا هلأ طالعه و ممكن أرجع،،،

سلام عليكم و رحمته و بركاته كلكوا كلكوا

اسمحولي ارد على ايمانوا اول و بعدين بشوف شو بدكوا
اول و اهم اشي ممكن يتسلوا عليه اخوانك هلا التوفل يقدموه و يعملوا حسابهم يجيبوا مش اقل من 560 زياده شوي نقصان شوي حسب الجامعه و التخصص
ثاني اشي يروحوا على دكاترتهم البكالوريوس و يجيبوا اشي اسمه لتر اوف ريكومنديشين
من 2 او 3 دكاتره يوصوا فيهم و يحكوا انه كانوا شاطرين و كويسين ووو
بعدين انتي او زوجك روحي على الجامعه و القسم اللي بدهم يسجلوا فيها و اسالي عن احسن الدكاتره و قدمي هناك اوراقهم و شوفي شو المطلوب و لا تقدمي لدكتورين بنفس الوقت تجنبا للاحراج اذا انقبلوا من الاثنين
يمكن دندون بتساعدك اكثر بس حبيت الفت نظرك للتوفل خلهم يبلشوا فيه بلا ما يضيعوا وقت
و سلامتك