السلام عليكم يا قمرات..

كيفكم..إحنا خلصت عنا صلاة التراويح قبل شوي.. شوفو سبحان الله إختلاف الأوقات!!

بالنسبة للفطور زهورة.. أنا بفطر على تمر وماء وبعدين شوربة وشوية فتوش وممكن حبتين سمبوسك

بعدين بصلي وبجلي الجلي.. وبشرب قهوة ((لااااااازم عالسريع أحيانا قبل الجلي))

بعد شي ساعة يعني قبل أذان العشا بشوي.. بناكل شأكلة حلو إذا عاملين شي.. ممكن قطايف متل اليوم.. أو عصافيري.. أو حبة بقلاوة وهكذا..

بعدين بنصلي العشاء والتراويح وبعد ما ييجو الرجال من الصلاة بنتعشى عالوجبة الرئيسة.. هيك بحس انا بنجوع شوي وبنهضم أثناء الصلاة..وممكن ناكل من الطبخة أحسن من وقت الفطور

على فكرة هذا نظام إفطار السعوديين إحنا تعودنا عليه من سنين طويلة وحسيناه صحي أكتر .. الواحد ما بكبس معدته عالفطور.. فبيكون أخف بالصلاة ..

وهون في عادة عند السعوديين بالعزايم ممكن يعملوها برمضان.. بقولولك عازمينكم عالفطور.. يعني تمر وشوربة و لبن وماء وسمبوسك وممكن سلطة.. بسسسسسس

وإذا قالولك عشا.. يعني بعد الفطور (بعد التراويح..عالطبايخ) وفي ناس بتعزم عادي زينا عالتنين.

وهون كمان بيعزمو عالسحور لأنهم بيطبخو كل شي ماشاء الله عالسحور تقولو عاملين غدا..!

إحنا في كتير من عادات السعوديين ناسبت حياتنا وتأثرنا فيها

حتى لما نكون بالأردن(قصدي ببيت أهلي بنتعامل فيها) مثلا:

شغلة الفصل بالجلوس بين رجال ونساء..

أنا ببيتي وبيت أهلي هيك نظامنا.. ببيت حماي مش كتير وغالبا بكون مش عطبيعتي بتدايق من القعدة وأنا مربطة بالحكي والحجاب وكتير تصرفات.. حتى الضحك أكيد غير!!

تقبل الله أميره و يسلمو على المعلومات،،،

احنا الناس لسه في صلاة التراويح،،،
بس في ناس عم بتشاكل الجماعه و نازلين طخ قنابل مسيله للدموع، انخنقنا،،،

البخور كمان بعد التراويح.. وبالعزايم عموما.. وبعد صلاة الجمعة وبالأفراح.. عادة حبيناها وببيوتنا دايما بخور ومبخرة..

كمان شغلة المدخلين للبيت (مدخل حريم ومدخل رجال) حبيناها وطبقناها ببيوتنا..

وكتير أشياء.. بس هادا اللي ببالي هلأ..

شكلي ببرم لحالي..

سلامي للجميع نفر نفر..

ودعواتكم يا حلوات.. سلام