ما شاء الله عليكم حاكيين كتير :)
و كاتبين مواضيع حلوة بس و الله مو كلها قرأتها
بس شوي أصحصح من نومة هالعصر !
كنت في الشغل تعبانة و إلي نفس أنام و ما رضيت أشرب فنجان قهوة لأنه إلي كم يوم عم بنام نوم مزعج , بضل أحلم أشياء ملخبطة و بضل طول الليل نايمة ومش نايمة
عنودة حبيبتي --> مبروكين الأواعي , تشوفي على وجههم الخير
زهورة ---> العلبة الي حكيتي عنها الي بحطوها اليهود في صلاتهم على إيديهم و على جبهتهم في بعض الأحيان ( بين عيونهم ) إسمها " التفلين "
هي عبارة عن علبة خشبية بتكون فاضية من جوا و بحطوا فيها بعض قراءات التوراة , و بكون في لهالعلبة شريط عشان ينلف على الإيد أو حولين الرأس
و السبب إنهم بحطوها على جبيبنهم , لأنه في نص في التوراة بحكي : ( و لتجعلها عصائب بين عينيك ) فشوفوا هم كيف بفسروا عبارات التوراة بالحرف حتى من دون ما يفهموا القصد !
و كمان لازم يحطوا الطاقية الصغيرة في المحافل الدينية إسمها غاب عن بالي , و الله على طرف لساني بس مش آدرة أتزكر أول الكلمة
يا ريت لو بنت اللد تزكرنا على إعتبار بأنها عايشة بينهم
يعني إلهم كتير شعائر بعمولها وقت الصلاة و خصوصا في الأعياد
نابلسية و نوني و إيمان وفلسطين و لين و أم منى و أم محمد و و ضحوكة و دندون و و الجميع الجميع ( ما حد يآخزني إزا نسيت إسمه )
كيف حالكم ؟
بس تعلمنا إنه كلمة ( ألأرتوذوكس ) معناها المتشددين بغض النظر عن الديانة
سواء كانت يهودية أو مسيحية أو غيرها
يعني هالكلمة بستخدموها لكل الديانات لأنه القصد منها هو معناها