سنسن اليوم عملتها هي والكفته ببندورة

بتعملي الكفته وبتشويها وبتشيلي الزفرة لو فيها دهون وبتخليها على جنب عادي وبتجيب ليمون وملح ومع معلقه او معلقتين طحينيه

وبتخلطيهن سوى لحتى يصيرو قوامهم كثيف وبعدين بتزيدي الميه شوي شوي لحتى تصير اخف شوي قواما وبعدها بتحطي الطحينيه فوق الكفته عالشوايا ربع ساعه او ثلث ساعه لحتى تحمر وخلص

اميرتي لين صحيح بالنسبة للخبز حطيه عالشوايه تبعت الفرن وبس ما بتغير عليه شي طبعا لانه رح تستخدميه على طول خلال شهر بخلص مرح تخليه شهرين تلاته

مهى اغلب مدارسنا هيك حتى الانجليزية والامريكية والباكستانيه والهنديه

وما عمره ما فرق هالشي بالمصاري

المهم مشاركةا لطفل بشيل حمل عن المدرسة بهالاغراض

شكرا فلسطين انا ما بحب الكفته بالطحينيه بس عندي ملوخيه من امبارح قلت باكلها وبعمل الكفته لزوجي

السلام عليكم فلسطين عنا كمان مثلكم قبل تبدا المدرسه بعملو اجتماع للاباء وبيعطوهم لستت الكتب والقرطاسيه واحتياجات الطالب مثل مريله مش تبع لبس لا تبع الالوان مشان الولد ما يوسخ حالو بالالوان المائيه
وجميع الادوات المطلوبه لازم تكون من ماركه معينه (بليكان ) مثل الاقلام تبع التلوين عريضه ومثلثيه الشكل
وكم قلم بكون جوات العلبه
والبرياه لازم تكون من الي بتبري اقلام العريضه والقلام الرقيقه
والوان اخرى قابله للغسيل
والمسطره لازم تكون شفافه
المحاي مش لازم تكون مع القلم لازم منفصله
اقلام رصاص عريضه بماركه معينه
وقميص قديم يستعمل كمريلة الرسم
وكرتونه تبع احذيه لوضع اغراض القرطاسه فيها وجميع الاغراض يكتب اسم الولد عليها و
طبعا انا زينتلها الكرتونه تبع الاحذيه بورق ديكور لاسق
وبعدين فايل عريض
وفايل ثاني للواجبات
وشنته حسب المواصفات والمقاييس لازم يكون عليها عاكسات عشان ينشاف الطفل لما يمشي بالعتمه لانه بالشتاء بتضل معتمه للثمانيه ونص تقريبا والمساء بتعتم من الاربعه
المهم بضل كل شيئ بالصف وبيوخذو الاولاد فطورهم معهم وبيفطرو بالصف وبتغذو بالبيت
وما في مقاصف او مطعم او مكان لبيع الاطعمه للاطفال كل طفل لازم يجيب اكله معه من البيت
يعني عندهم فرصه لاكل الفطور وفرصه للعب
ومدارس خاصه ما فيه كل الطلاب بتعلمو بنفس المستوى ومجانا حتى لو اولاد شرودر مع الطلاب العامه طبعا عدا المعوقين الهم مدارس خاصه حسب نوع الاعاقه سمعيه او جسميه او عقليه
وهذول بس في باصات بتجيبهم وتوديهم مجانا

طيب سؤال شو بتتسحرو؟
شو سحوركم؟ وشو بتفطرو بالعاده؟
ومن اي عمر بيدا ابنك او بنتك بالصيام؟