لقهر اهل الزوج....وللتشفي فيهم..

تسلمين يا أم الخمائل
من جد !!!
أحس البنات يبالغون في سالفة خوات الزوج
وأمه ؟؟!!!!
يعني فيه مشاكل تنعرض هنا في المنتدى
أقل ما أقول عنها إنها تافهه وسخيفه
فيه مصايب تطلع من أهل الزوج صح
هذا معروف
بس ما يعطينا عذر للتعميم كذا
صرت أحس اني محظوظه في أهل زوجي
الحمدلله بس

والله انك صادقه الله لايبلانــا شغلهم الشاغل اهل الزووج
وش عليك منهم حدك زوجك وبس
لو كل وحده تعامل اهل زوجها زي ماتبي حريم عيالها وزوجات اخوانها يعاملوها كان ماصار كذا
والشئ العجيب يبوون عيالهم يبرونهم !! ويتأملون فيهم خير
كيف وهذا تعاملك مع اهل زوجك وتحرشين زوجك على اهله ويقاطعهم وبلاووي اعوذ بالله

اساسا مع احترامي لاهل الزوج مين هم عشان اشغل نفسي بيهم عندي اهلي وزوجي وحياتي انشغل فيها عن الناس عن نفسي شفت منهم حركات قررت اخفف وارتاح وبالفعل يابخت مين زار وخفف لكن الغريب اللي يكونو مايبغوهم ولاصقين فيهم وينافقو ياااااه اكره النفاق الا طبعا لمن انحرج انافق غصبا عني

الله لايكثر شكلهن

جزاك الله خير اختي على الموضوع 0000000 لكن اذا كانوا رديين تحاول تكسبهم وتصير احسن منهم وتسوي الخير وتقابل الاساءة بالاحسان حتى تكسب الاجر ان شالله " وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ , فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ " .

والله أعلم بالصواب .