كبسوله :

أهلين يابنات حلو والله اجتمعت شابوره مع مخلصه لزوجها وتآمروا على الرجال00 طيب ندور حلول ثانيه الله لايحرمنا من آرائكم انتم الثنتين وعليكم قفشات ضحكتني الله يوسع صديراتك بالعافيه0 طيب مو جايز عنده ظروف 00 قاصره عليه 00أو يخاف يسكن لوحده00 يعني لو اذا ولا بد مو الأفضل ان هو وأخوه الثاني العزوبي يعيشون في بيت واحد ويصير كل واحد قلبه على أخوه وتكون شقه قريبه منكم 00 العزوه زينه يابنات ولو دارت الدنيا بأهلها كل الناس بينسونك الا أخوانك00 أنا شايفه لو تحاولون يصير مدخل الغرفه اللي هو ساكن فيها عندكم مستقل لحاله يعني بينه وبين صالتك والغرف الثانيه باب لوحدها0 ولو لزم الأمر اك تتصبرين الين يفرجها الله وترجعون بلادكم 00 صراحه مدري ليه غلب مبداء نفسي 00نفسي على العلاقات الأسريه والواحد بس يدور راحته دون مراعاة للآخرين0 ماأروعها لما تكون النفوس حلوه وتراعون الله في أموركم وما تدورون راحتكم وبس يعني قلوبكم على بعض وماتكون الرغبه في لبس معين أو شغلات ثانيه تغلب على صلة الرحم 00 مع مراعاة انك تتجنبين الكلام الكثير معاه ويكون زوجك موجود معاكم كمحرم 00 أو أضعف الايمان يكون النهار عند أخوه العزوبي والليل يجي يبات عندكم00 اعذرين أختي جا جوابي عكس رغبتك بس ماعاش من عاش لنفسه فقط0 الله لايجي اليوم اللي يحتاج فيه ولدي الغالي لأخوه ولما يلجاء له خصوصا ان كان في زنقه وفي غربه وألاقي زوجته تخطط تطرده من البيت000 صدقيني الدنيا تمر بسرعه والجزاء من جنس العمل 000 واذا صفيت النيه يمكن الأمور تنحل من نفسها وتحصل أسباب مالك دخل فيها ويطلع لوحده من دون تدخل منك000 انت بس احسني الظن بالله وفي الناس واتكلي على الله وتفرج لك من أوسع أبوابها000 وخلي قلبك قلب المؤمن للمؤمن 0 سامحيني يمكن قسيت عليك 00بس يجي يوم وتدعين لي

أهلين يابنات حلو والله اجتمعت شابوره مع مخلصه لزوجها وتآمروا على الرجال00 طيب...