لقيت الحل واخيرا ❤❤

انتبهي نظامك يحتاج تعديل لانه فقير جداً بالبروتين
نقص البروتين راح يتسبب بذوبان العضل ولما تفقدين العضل يتعطل الأيض او الحرق بجسمك
وقلة كمية البروتين راح تخليك طول اليوم جوعانه ونفسيتك مضروبه ومزاجك معكر
الفطور مثلاً ممكن تاكلين 2 إلى 4 بيضات مو مشكله مع شوي زبده ولا تقولين الزبده تسمن لان كميه بسيطه لو مجرد نص ملعقه تكون منخفضه بالسعرات الحراريه والدهن له فايده انه يحسسك بالشبع وجسمك اصلاً يحتاجه لان في فيتامينات لا تمتص الا بالدهون
وممكن تعملينه بالفطر او بالبصل او تضيفين جنبه طبق سلطه خضراء
كذلك ممكن تاكلين 4 ملاعق فول او عدس او حمص بطحينه مع سلطه خضرا
او ممكن ايام تاكلين زبادي او اجبان مع زيتون وخيار وطماطم
وعادي جداً انك في ايام تحتاجين تاكلين خبز قطعه صغيره ربع او نص رغيف اسمر حسب حجمه


الغداء لازم شريحه او قطعة بروتين سمك او روبيان او لحم او دجاج او علبة تونه + طبق سلطه خضراء + شوي خضار غير نشويه
وكذلك عادي جداً في احد الايام تاكلين جنب البروتين 4 ملاعق رز او مكرونه
العشاء ممكن يكون مثل الفطور


الطريقه اللي وضحتها لك غالباً تسمى لو كارب او رجيم منخفض الكربوهيدرات ويكون مسموح فيه كميات بسيطه من البقوليات والنشويات مرتين الى ثلاث مرات بالاسبوع حسب ترتيبك وارتياحك انصحك تبحثين عن انظمة اللو كارب وتاخذين فكره ثم تطبقين
اهم شي انتبهي لكمية البروتين لازم تكون كافيه ومشبعه لانها الاساس + طبق سلطه خضراء يومياً مع وجباتك + خضار غير نشويه
اما الفاكهه يكفي ثمره وحده باليوم

تذكري انك بمجرد تخفضين النشويات او تمتنعين عنها في اغلب الوجبات راح تقل كمية السعرات الحراريه اللي تدخل جسمك وراح تخسرين وزن
اكيد بالاضافه الى الامتناع عن السكريات والتسالي والحلا والمعجنات هذي كلها سعرات حراريه عاليه لما تقطعينها جسمك راح يخسر وزن
لكن اهم شي تمارسين نشاط رياضي لان الرياضه تسرع النزول وترتب الجسم وارشح لك تمارين الزومبا او الخمسه ميل ابحثي عنها باليوتيوب وطبقي بالتدريج على قدر استطاعتك

وياك الله ينور عليك ويزيدك علم ومعرفه وينفع بكل حرف تكتبينه لفائدة الناس
الله يسعد قلبك ويجبر خاطرك تسلمين