لقيت المسدس مع اخوي وعلمت وابوي وطااااااخ في بيتنا

هذا الموضوع الاول http://forum.hawaaworld.com/showthread.php?t=3516559 بعد ما اخت استشارتكم انتظرت ابوي الين جا ورحتله غرفته خايفة ومرتبكة بعد ما جمعت كم كلمه وكان المسدس معاي بشنطتي جلست مع ابوي في غرفته على السرير وقلتله بقولك حاجه بس اوعدني انك ماتعصب وتتعوذ من ابليس وكلام كثير ابوي وجهه تغير وصار يناظر فيني بنظره غريبه وقام قفل غرفة النوم وجل وانا ماسكه الشنطه وايديني تتراجف وهو شايفني وقلتله انا لقيت حاجه بغرفة اخوي وقلت لازم اعلمك قال وش لقيتي فلت شوف وافتحله الشنطه ويشوف المسدس ويطلعه من الشنطه ويناظر فيني وطااااااااااااااااع على جبهتي كف حسيت ان دماغي صار بودره وانا ساكته ومخروعه شوي كف ثاني على على الراس مع نتفة شعر ويقول ابوي وين لقيتيه وانفجر انا بكاء قلت خلاص ابوي بيقتلني :( ويقوم يمسك بيدي ويسحبني ويفتح الباب وانا اصيح يممممه الحقيني وابوي ماسك يدي خلاص حسيتها بتنكسر وجالس يسحبني وبيده المسدس وانا اصيح ماااااما شوي اخوي يطلع يوم مع الدرج يوم شافه ابوي فكني واعطا اخويه كف على وجهه وقال انت مو كفو حق سلاح انا معطيك السلاح وقايلك انتبه عليه ودسه زين تقوم اختك الهبله تلقاه .......... وينطلق اخوي علي بيضربني ويعطيني شوته شوي امه تطلع مع الدرج وشافت السلاح بيد ابوي واخوي ماسكني بيدي ويقول وين لقيتيه وين لقيتيه وامي تتشهد وتمسك ابوي وتقول لا تقتلها ويوم اشوف المنظر كذا اغمى علي ما صحيت الا انا بغرفتي وامي عندي وابوي واخوي ويوم صحيت قمت اصيح واناظر وين مكان الطلقه واقول وين طخيتني وابوي يضحك هو واخوي ويقول مافيك شي وامي تهديني واقوم انا ابكي وابوي يسالني كيف لقيتيه واعلمه بالسالفه وقالي ابوي انه هو اللي معطيه اخوي وبعدين طلعتهم امي من الغرفه وجلست تهدي فيني وانا كلي دموع حتى انفي طلع منه مويه مدري دموع وطلعت حتى امي تدري بسالفة المددس كلهم يدرون الا انا :( المهم طلعت امي من الغرفة وبعدها بنص ساعه ابوي دخل ومعاه شطنتي اللي كان فيها المددس واعطنايها واعتذر مني لانه ضربني وقالي لاتفتشين اغراض اخوك مره ثانيه وقلتله ماني داخلة غرفته حتى لو اسمعه يموت :( اعطاني الشنطه وطلع وهو عند الباب قال شفي فيه حاجة لقيتها بشنطتك ويوم طلع وقفل الباب قعدت افكر وش فيها الشنطه قلت يمكن مسدس هديه لي ما كل العائلة مسلحه يمكن الحين جا دوري اتسلح وافتح الشنطه والقا فيها الفين ريال يوم شفتها واطلعها واحطه على جنب واقطع الشنطه وارميها عند الدولاب ورحت انام .......... واليوم بروح السوق واخوي ابوي حاللف عليه ان مد يده علي ان يكسرها :) ويطرده من البيت